Book 09 Page 001 Desktop Resolution

མཚན་བྱང་།     ཆོས་སྤྱོད་ཕྱོགས་བསྒྲིགས།

མཛད་པ་པོ།     ྋསྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།       བླ་མའི་རྣལ་འབྱོར་དང་ཞབས་བརྟན་གསོལ་འདེབས། སྤྲུལ་སྐུ་མྱུར་བྱོན་སོགས།

            འདིར་བླ་མའི་རྣལ་འབྱོར་དང་ཞབས་བརྟན་གསོལ་འདེབས། སྤྲུལ་སྐུ་མྱུར་བྱོན་སོགས་ཀྱི་སྐོར་ལ། ཆོས་འབྲེལ་དངོས་ཐོབ་ཀྱི་རྩ་བའི་བླ་མ་བཅུ་གཅིག་གི་མཚན་སྒྲ་གསལ་བའི་གསོལ་འདེབས། ཡོངས་ཀྱི་དགེ་བའི་བཤེས་གཉེན་ཆེན་པོ་ཤག་སྐོར་མཁན་རིན་པོ་ཆེ་ཉི་མ་རྒྱལ་མཚན་དཔལ་བཟང་པོའི་ཞབས་བརྟན་གསོལ་འདེབས་འཆི་མེད་དངོས་གྲུབ་འདོད་འཇོ་སོགས་བཀའ་རྩོམ་བཅུ། སངས་རྒྱས་སོ་ལྔར་སྟོང་མཆོད་འབུལ་བ་དང་འབྲེལ་ཐུགས་རྒྱུད་སྐུལ་ཞིང་། གསོལ་བ་འདེབས་པའི་སྒོ་ནས་ཉེས་ལྟུང་བཤགས་པའི་ཆོ་ག་གང་གཱའི་ཆུ་རྒྱུན། པདྨ་དབང་ཆེན་ཡང་གསང་ཁྲོས་པ་ལ་བརྟེན་ནས་ཏིལ་རྐྱང་སྒོས་སྦྱིན་སྲེག་བྱེད་ཚུལ་ནག་འགྲོས་སུ་བཀོད་པ། དཔལ་ལྡན་ལྷ་མོའི་སྒོ་ནས་སྐྱེ་སྲིད་ངོས་འཛིན་བྱ་ཚུལ་གྱི་མོ་དཔེ། ཇོ་བོའི་ལུགས་ཀྱི་ཛམ་བྷ་ལ་དཀར་པོ་འབྲུག་ཞོན་ལྷ་ལྔའི་སྒོ་ནས་ནོར་སྒྲུབ་བྱ་ཚུལ་ཐུའུ་བཀྭན་གསུང་ལ་ལྷན་ཐབས་ནག་འགྲོས་སུ་བཀོད་པ། རྒྱལ་བའི་བསྟན་སྲུང་ནོར་བདག་མཧཱ་རཱཛཱ་དཔའ་བོ་རྩལ་གྱི་གཏེར་སྒྲུབ་ཕྱྭ་གཡང་འགུགས་པའི་ལྕགས་ཀྱུ། ༸རོང་ཆེན་བསྟན་པའི་སྒྲོན་མེའི་སྒོས་ཀྱི་བསྟན་སྲུང་རྒྱ་ཆེན་ཀརྨ་བཋ་གྱི་འཕྲིན་སྐུལ། མདོ་སྨད་ཆོས་དཔལ་ཞིང་གི་བསྟན་སྲུང་དགེ་བསྙེན་ཆེན་པོ་དཔའ་རྒན་གྱི་གཏོར་ཆོག་བསྡུས་པ། དྲུག་ཅུ་མའི་ཆོ་ག་ནག་འགྲོས་སུ་བཀོད་པ། བཀའ་ཤོག་དང་འཕྲིན་བཅོལ་ཁག་ཅེས་པར། མི་རྩའི་དཔོན་རབས་མཐའ་མ་མི་རྩ་ཕུན་ཚོགས་བཀྲ་ཤིས་ཚང་གི་ཁྱིམ་གཞིས་ལ་བསྩལ་པའི་ལྷ་འདྲེའི་བཀའ་ཤོག ཀིརྟིའི་གཉེར་ཟུར་གླིང་བ་ཨ་ཁུསེངྒེ་ལ་བསྩལ་པའི་ལྷ་འདྲེའི་བཀའ་ཤོག་སོགས་བཀའ་ཤོག ཞལ་འདོན་ཕྱོགས་བསྒྲིགས། ཀིརྟིའི་བྱེས་པ་གྲྭ་ཚང་གི་བླ་སྤྲུལ་ལས་དང་པོ་བ་རྣམས་ལ་ཉེ་བར་མཁོ་བའི་ཞལ་འདོན་ནག་འགྲོས་སུ་བཀོད་པ་སོགས་ཞལ་འདོན་གསུམ་བཅས་བཞུགས། ཕབ་ལེན་བྱེད་ས།

                                                                                    

Book 08 Page 001 Desktop Resolution

མཚན་བྱང་།    ཐེམ་སྐས་ཉེར་དྲུག སྨད་ཆ།

མཛད་པ་པོ།    ྋསྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།       གཉན་ཚེམ་བུ་པའི་ལུགས་ཀྱི་འཕགས་མཆོག་ཐུགས་རྗེ་ཆེན་པོའི་ཆོས་སྐོར། 

                  འདིར་དངོས་གཞིའི་ཆོས་སྐོར་ཐེམ་སྐས་བཅུ་བཞི་པ་ཐུགས་རྗེ་ཆེན་པོའི་བསྙེན་ཆེན་སྐབས་ཀྱི་བདགབསྐྱེད་རྒྱུན་འཁྱེར་བསྡུས་པ་བདུད་རྩིའི་ཟེགས་མ་ལས་ཟུར་འདོན་ཞེས་པ་སོགས་དང་། མཇུག་གི་ཆོས་སྐོར། ཐེམ་སྐས་བཅོ་བརྒྱད་པ་ཚེམ་བུ་པའི་ལུགས་ཀྱི་ཐུགས་རྗེ་ཆེན་པོའི་ཁ་སྐོང་གི་ཞི་བའི་སྦྱིན་སྲེག་ཉེས་ལྟུང་སྲེག་པའི་མཆོད་སྦྱིན་ཞེས་པ་སོགས་ཐེམས་སྐས་བཅུ་བཞི་པ་ནས་ཉེར་དྲུག་པའི་བར་བཞུགས། ཕབ་ལེན་བྱེད་ས།

 

 

Book 07 Page 001 Desktop Resolution

མཚན་བྱང།          ཐེམ་སྐས་ཉེར་དྲུག སྟོད་ཆ།

མཛད་པ་པོ།        ྋསྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།          གཉན་ཚེམ་བུ་པའི་ལུགས་ཀྱི་འཕགས་མཆོག་ཐུགས་རྗེ་ཆེན་པོའི་ཆོས་སྐོར།

                      འདིར་ཆོས་སྐོར་གསུམ་ཡོད་པའི་སྤྱིའི་ཆོས་སྐོར་ལ། ཐུགས་རྗེ་ཆེན་པོ་གཉན་ཚེམ་བུ་པའི་ལུགས་ཀྱི་སྙན་བརྒྱུད་དམར་ཁྲིད་ཀྱི་ཆོས་འབྱུང་མུ་ཏིག་ཕྲེང་མཛེས་སོགས་ཐེམ་སྐས་གཉིས། སྔོན་འགྲོའི་ཆོས་སྐོར་ལ། སྔོན་འགྲོ་དང་པོ་དང་གཉིས་པ་སྐྱབས་འགྲོ་དང་སེམས་བསྐྱེད་འབུམ་གྲངས་གསོག་གི་ཆོ་ག་འཇུག་སྒོ་དང་པོ་གསེར་གྱི་སྒོ་མོ་སོགས་ཐེམ་སྐས་དགུ དངོས་གཞིའི་ཆོས་སྐོར་ལ། ཐུགས་རྗེ་ཆེན་པོའི་བསྙེན་སྒྲུབ་ཀྱི་ཐོག་མར་བགེགས་ལ་གཏོར་མ་སྦྱིན་པ་དང་མཚམས་ཐོ་བསྐྱེད་ཆོག་སོགས་ཐེམ་སྐས་གཉིས་བཅས་བཞུགས། ཕབ་ལེན་བྱེད་ས།

 

 

Book 06 Page 001

མཚན་བྱང་།        ལུགས་ཟུང་གསུང་བཤད་བསླབ་བཏུས།

མཛད་པ་པོ།         ༸སྐྱབས་རྗེ་ཀིརྟི་སྐུ་ཕྲེང་བཅུ་གཅིག་པ་མཆོག

བརྗོད་བྱ།             ལུགས་ཟུང་བསླབ་བྱ།

               འདིར་འཕགས་ཡུལ་ཀིརྟིའི་བྱེས་པ་གྲྭ་ཚང་གི་སྐབས་བཞི་པའི་སློབ་ཐོན་པའི་མཛད་སྒོ་དང་གྲྭ་ཚང་འདིའི་སློབ་ཚན་ལ་སྒྱུར་བཅོས་གཏོང་དགོས་པའི་ལམ་སྟོན་བཅས་འདི་གའི་བླ་གྲྭ་འདུས་མང་ལ་བསྩལ་པའི་བཀའ་སློབ་ཁག་དང་། ཀིརྟིའི་དགེ་རྩ་ཚོགས་པའི་སྔོན་འགྲོའི་ཚོགས་པ་གསར་ཚུགས་ཀྱི་མཛད་སྒོའི་ཐོག་བསྩལ་པའི་དགེ་རྩ་ཚོགས་པའི་རྩ་འཛིན་བཀའ་སློབ། ཀིརྟིའི་དགེ་རྩ་ཚོགས་པ་དངོས་སུ་དབུ་བརྙེས་པའི་མཛད་སྒོའི་ཐོག་བསྩལ་པའི་བཀའ་སློབ། བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ཚོགས་ཆེན་ཐེངས་སུམ་ཅུ་སོ་དགུ་པའི་ཐོག་བསྩལ་པའི་བཀའ་སློབ། ཀོས་ལི་མི་ན་ལེའི་ས་གནས་བོད་རིགས་སེར་སྐྱ་མི་མང་ལ་བསྩལ་བའི་བཀའ་སློབ། པ་ཏི་ཀུ་ལའི་བོད་ཕྲུག་ཁྱིམ་སྡེའི་དགེ་སློབ་ཡོངས་ལ་བསྩལ་པའི་བཀའ་སློབ། ཨ་རིའི་བོད་སྐད་རླུང་འཕྲིན་ཁང་བརྒྱུད་གཞིས་ལུས་རྒྱ་ཆེའི་མི་མང་ལ་རང་གི་ཆོས་དང་རིག་གཞུང་སྐད་ཡིག་མི་ཉམས་རྒྱུན་འཛིན་དང་། བོད་རིགས་ནང་ཁུལ་རྡོག་རྩ་ཆིག་སྒྲིལ་དགོས་པའི་སྐོར་ལ་བསྩལ་པའི་བཀའ་སློབ། སྟག་ཚང་ལྷ་མོ་དང་དགེ་ལྡན་ལེགས་བཤད་གླིང་གི་དགེ་བསྐོས་གཉིས་ལ་ཐུན་མོང་དུ་བསྩལ་པའི་བཀའ་སློབ། བོད་ཕྱི་ནང་གཉིས་ནས་ྋསྐྱབས་མཆོག་རིན་པོ་ཆེའི་བརྟན་བཞུགས་ལ་ཆེད་ཕེབས་ཀྱི་སེར་སྐྱ་མི་མང་ལ་སྔ་ཕྱིར་བསྩལ་པའི་བཀའ་སློབ་བཅས་བསྡོམས་བཀའ་སློབ་ཁག་བཅུ་བཞི་བཞུགས།  ཕབ་ལེན་བྱེད་ས།

 

 

40 kirti book 4

མཚན་བྱང་།        ལུགས་ཟུང་གསུང་འཕྲིན་བསླབ་བཏུས།

མཛད་པ་པོ།       ༸སྐྱབས་རྗེ་ཀིརྟི་སྐུ་ཕྲེང་བཅུ་གཅིག་པ་མཆོག

བརྗོད་བྱ།           ལུགས་ཟུང་བསླབ་བྱ།

          གསུང་འཕྲིན་བསླབ་བཏུས་ནི། ྋསྐྱབས་རྗེ་ཀིརྟི་རིན་པོ་ཆེ་མཆོག་ནས་གཞིས་བྱེས་གཉིས་ཀྱི་འབྲེལ་ཡོད་དགོན་གྲོང་རྣམས་ལ་སྔ་ཕྱིར་གནང་བའི་གསུང་འཕྲིན་ཁག་ལས་བསླབ་བྱ་ཟུར་འདོན་གྱིས་ཕྱོགས་བསྒྲིགས་བྱས་པ་ཞིག་ཡིན་ལ། འདིར་སྟག་ཚང་དཔལ་གྱི་ལྷ་མོ་བློ་གླིང་དགེ་ལྡན་བཀྲ་ཤིས་འཁྱིལ་གྱི་ལས་སྣེ་ཐུན་མོང་ལ་གནང་བའི་བཀའ་སློབ་གསུང་འཕྲིན་སོགས་ཀིརྟི་ཚང་གི་མ་བུ་དགོན་གཙོར་བྱས་པའི་དགོན་པ་གྲྭ་ཚང་ཁག་དང་བླ་གྲྭ་སྤྱི་ལ་གནང་བའི་གསུང་འཕྲིན་ཁག་བཅུ་གཅིག རྔ་པ་ཀིརྟིའི་དགོན་ལྔ་རིག་ནང་བསྟན་སློབ་གླིང་གསར་འཛུགས་བྱེད་འཆར་ལ་གནང་བའི་བཀའ་སློབ་གསུང་འཕྲིན། ནང་འཁྲུག་དང་ས་རྩོད་སོགས་ཀྱི་སྐོར་ལ་གནང་བའི་གསུང་འཕྲིན། བཙན་བྱོལ་ནང་གི་འབྲེལ་ཡོད་དགོན་པ་གྲྭ་ཚང་དང་བླ་གྲྭ་སྤྱི་ལ་གནང་བའི་གསུང་འཕྲིན། མི་མང་དང་ཚོགས་པ་ཁག དེབ་སོགས་ཀྱི་ཆེད་བརྗོད་དུ་གནང་བའི་གསུང་འཕྲིན་བཅས་གསུང་འཕྲིན་ཁག་སུམ་ཅུ་སོ་བཞི་བཞུགས། ཕབ་ལེན་བྱེད་ས།

 

39 kirti book 3མཚན་བྱང་།      ལུགས་ཟུང་གསུང་བཤད་བསླབ་བཏུས།

མཛད་པ་པོ།     ༸སྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།          ལུགས་ཟུང་བསླབ་བྱ།

 

            གསུང་བཤད་བསླབ་བཏུས་འདི་ནི། ༸སྐྱབས་རྗེ་ཀིརྟི་རིན་པོ་ཆེ་མཆོག་ནས་འབྲེལ་ཡོད་སེར་སྐྱ་མི་མང་རྣམས་ལ་སྔ་ཕྱིར་གནང་བའི་གསུང་བཤད་ཁག་སྒྲ་འཛིན་འཁོར་ཐག་ལས་ཕབ་བཤུས་དང་གསུང་བཤད་ཟིན་བྲིས་ཁག་གཅེས་བསྒྲིགས་བྱས་པ་ཞིག་ཡིན་ལ།

              འདིར་༸གོང་ས་༸སྐྱབས་མགོན་ཆེན་པོ་མཆོག་འདི་གའི་གྲྭ་ཚང་དུ་ཆིབས་བསྒྱུར་སྐབས་ཀྱི་ལས་བསྡོམས་སྙན་ཞུ་གཙོར་བྱས་འདི་གའི་གྲྭ་ཚང་རང་ལ་གནང་བའི་གསུང་བཤད་དང་། བོད་གཞུང་ཆོས་རིག་བཀའ་བློན་གྱི་མཛད་འགན་བཞེས་སྐབས་གཞུང་འབྲེལ་གྱི་མཛད་སྒོ་དང་ཚོགས་འདུ་སོགས་སུ་གནང་བའི་གཞུང་འབྲེལ་གྱི་གསུང་བཤད། རྒྱ་བལ་སོགས་སུ་གནས་བཞུགས་འབྲེལ་ཡོད་མང་ཚོགས་ལ་གནང་བའི་གསུང་བཤད། སློབ་གྲྭ་ཁག་གི་སློབ་མ་ཚོར་གནང་བའི་གསུང་བཤད། འདི་གའི་གྲྭ་ཚང་དུ་ཀིརྟི་ཚང་དང་འབྲེལ་ཡོད་གཞིས་བྱེས་ཀྱི་གནད་ཡོད་མི་སྣ་ལྷན་འཛོམས་ཐོག་གནང་བའི་གསུང་བཤད་བཅས་གསུང་བཤད་མི་འདྲ་བ་ཉི་ཤུ་རྩ་ལྔ་བཞུགས། ཕབ་ལེན་བྱེད་ས།

38 kirti book 2མཚན་བྱང་།       དགེ་འདུན་ཆོས་འཕེལ་གྱི་རབ་བྱེད་ཞབས་བཏགས་མ།

མཛད་པ་པོ།       ༸སྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།          མཁས་དབང་དགེ་འདུན་ཆོས་འཕེལ་གྱི་མི་ཚེའི་ལོ་རྒྱུས་སྐོར།

 

             འདིར་དགེ་འདུན་ཆོས་འཕེལ་གྱི་རབ་བྱེད་སྔོན་འགྲོའི་ཆེད་བརྗོད་ནང་གསེས་དོན་ཚན་བཅུ་གཅིག་ཅན། དོན་ཚན་གཉིས་པ་ནས་དོན་ཚན་བཅུ་པའི་བར་མདོ་སྨད་པ་མཁས་དབང་དགེ་འདུན་ཆོས་འཕེལ་གྱི་མཛད་རྣམ་སྐོར་ཨ་མདོ་རྫོང་ངུ་ནག་རྡོ་ལགས་དང་། འབྲས་ལྗོངས་མངའ་སྡེའི་བློན་ཆེན་ཀ་ཇི་ལྷུན་འགྲུབ་རྡོ་རྗེ་མཆོག དགེ་སློང་རིག་འཛིན་དབང་པོ། བཀྲས་མཐོང་རཀ་ར་མཆོག་སྤྲུལ་རིན་པོ་ཆེ། སྣང་རྩེ་ཤག་གི་མི་དཔོན་སྐུ་ངོ་བཀྲ་ཤིས་དཔལ་ར་པ། ཀླུ་འབུམ་ཁང་ཚན་གྱི་རྒན་སྣང་ར་དགེ་འདུན་བཟོད་པ། སྣར་སྐྱིད་སྐུ་ངོ་ངག་དབང་དོན་འགྲུབ། ཨ་མདོ་ཅོ་ནེ་མཆེད་པ་ཨ་ལགས་འཇམ་དཔལ་མཆོག སྐུ་ཞབས་ཐོན་ཟུར་བློ་བཟང་བསྟན་འཛིན་བཅས་ལ་དགེ་འདུན་ཆོས་འཕེལ་གྱི་མི་ཚེའི་ལོ་རྒྱུས་བཀའ་འདྲི་མཛད་པའི་དྲིས་ལན་ཁག ཚན་པ་བཅུ་གཅིག་པ། མདོ་སྨད་པ་མཁས་དབང་དགེ་འདུན་ཆོས་འཕེལ་གྱི་ལོ་རྒྱུས་ཉམས་ཞིབ་གནང་སྟངས་སྐོར་གྱི་ལས་བསྡོམས་སྙན་ཞུ། བཅུ་གཉིས་པ། དགེ་འདུན་ཆོས་འཕེལ་གྱི་ལོ་རྒྱུས་སོགས་རྩད་ཞིབ་གནང་སྟངས་དང་འབྲེལ་བའི་དངོས་བྱུང་བརྒྱུད་རིམ་སྐོར། བཅུ་གསུམ་པ། དགེ་འདུན་ཆོས་འཕེལ་གྱི་ལོ་རྒྱུས་དང་འབྲེལ་བའི་དྲིས་ལན་བཅུ་གསུམ་མ། བཅུ་བཞི་པ། གསར་འགྱུར་མེ་ལོང་དུ་འཁོད་པའི་དགེ་འདུན་ཆོས་འཕེལ་གྱི་རྩོམ་ཡིག་སྐོར་དཔེ་མཚོན། བཅོ་ལྔ་པ། དགེ་འདུན་ཆོས་འཕེལ་གྱི་རབ་བྱེད་ནང་གསལ་བའི་མི་སྣ་འགའི་ལོ་རྒྱུས། བཅུ་དྲུག་པ་མདོ་སྨད་པ་མཁས་དབང་དགེ་འདུན་ཆོས་འཕེལ་ལགས་ཀྱི་སྐུ་པར་དང་ཞལ་ཐང་། ཡིག་གཟུགས་སྣ་ཚོགས། ལས་རྟགས་དང་ས་ཡིག ས་ཁྲ། རི་མོ་སོགས་དཔྱད་གཞིའི་ཡིག་ཆ་ཕྱོགས་བསྒྲིགས་བཅས་བཞུགས། ཕབ་ལེན་བྱེད་ས།

 

 

35 kirti book 1མཚན་བྱང་།      བོད་ཀྱི་སྲིད་དོན་ལོ་རྒྱུས་ལ་དཔྱད་པ་དྭངས་གསལ་མེ་ལོང་།

མཛད་པ་པོ།       ༸སྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག

བརྗོད་བྱ།           གནའ་རབས་བོད་ཀྱི་སྲིད་དོན་ལོ་རྒྱུས།

 

          འདིར་དམ་ཆོས་མཛད་པའི་བོད་རྒྱལ་དང་པོ་བོད་ཀྱི་རྒྱལ་རབས་བརྒྱད་པ་གྲི་གུམ་བཙན་པོའི་ལོ་རྒྱུས་ལ་དཔྱད་པ། ཡབ་རྒྱལ་པོ་གནམ་རི་སྲོང་བཙན་གྱི་ལོ་རྒྱུས་ལ་དཔྱད་པ། ཆོས་རྒྱལ་སྲོང་བཙན་སྒམ་པོའི་ལོ་རྒྱུས་ལ་དཔྱད་པ། བོད་ཀྱི་རྒྱལ་རབས་ཀྱི་ལོ་ཚིགས་དཔྱད་གཞི་དང་ལོ་ཚིགགས་ཤེས་བྱའི་རེའུ་མིག གནའ་བོའི་དུས་ཀྱི་བོད་དང་བལ་ཡུལ་བར་གྱི་འབྲེལ་བའི་ལོ་རྒྱུས་ལ་དཔྱད་པ། བོད་ཀྱི་བློན་ཆེན་པོ་མགར་སྟོང་བཙན་ཡུལ་བཟུང་ཡབ་སྲས་གསུམ་གྱི་མཛད་པ་ལ་དཔྱད་པ། ཐོན་མི་སཾབྷོཊའི་རྣམ་ཐར། བོད་ཀྱི་དམག་དཔོན་ཆེན་པོ་ཞང་རྗེ་བཙུན་གྱི་ལོ་རྒྱུས་ལ་དཔྱད་པ། བོད་ཀྱི་ཡིག་གཟུགས་འབྲུ་ཚའི་ལོ་རྒྱུས་བཅས་བཀའ་རྩོམ་མི་འདྲ་བ་ཁག་དགུ་བཞུགས།

 

ཕབ་ལེན་བྱེད་ས།

 

 

Kirti Monastery, Mcleod Ganj, Dharamsala.176219 Distt, kangra H.P India.