༄༅།། ཕྱི་ལོ་ ༢༠༢༣ ཟླ་ ༡༢ ཚེས་ ༥ ཉིན་འདི་ག་གྲྭ་ཚང་གི་ཚོམས་ཆེན་དུ་༧སྐྱབས་མགོན་ཀིརྟི་རིན་པོ་ཆེ་མཆོག་གི་བཀའ་འབྲེལ་བཞིན། གྲྭ་ཚང་གི་མཁན་རིན་པོ་ཆེ་དགེ་དཀོན་མཆོག་རྒྱ་མཚོ་མཆོག་གིས་མཁན་སློབ་གཅིག་ལྕོགས་དང་། དབུ་མཛད་བློ་བཟང་ཆོས་འཕེལ་གྱིས་ཁ་སྐོང་གནང་སྟེ་གྲྭ་གཞོན་སུམ་ཅུ་སོ་དགུ་ལ་བསྟན་པ་ལ་འཇུག་པའི་སྒོ་དང་པོ་རབ་བྱུང་དང་ཚིགས་སྔ་མ་དགེ་ཚུལ་གྱི་སྡོམ་པ་བཅས་བསྒྲུབས་གནང་དང་། དེ་བཞིན་ཕྱི་ཚེས་ ༨ ཉིན་གྱི་དགོང་མོ་དགེ་ཚུལ་གསར་དུ་བསྒྲུབས་པ་རྣམས་གཙོ་བོར་བྱས་ཏེ་གྲྭ་ཚང་གི་དགེ་ཚུལ་ཕལ་མོ་ཆེ་འཛོམས་སར་དགེ་ཚུལ་གྱི་བསླབ་བྱ་བླངས་འདས་སོ་དྲུག་ངོ་སྤྲོད་དང་འབྲེལ་ནས་གྲྭ་པའི་ཀུན་སྤྱོད་སྐོར་གྱི་ཆོས་མཐུན་གྱི་བསླབ་བྱ་ཟབ་མོ་སྩལ་གནང་མཛད།