དྲ་ཚིག་ཀློག་གྲངས།
| སྤྱི་ཡོངས་ཀློག་གྲངས། | 672759 |
ཀིརྟིའི་དགེ་རྩ་ཚོགས་པའི་སྐབས་བཞི་པའི་འགན་འཛིན་གྲོས་ཚོགས་ཐེངས་གསུམ་པ་ལེགས་པར་གྲུབ།
ཕྱི་ལོ་ ༢༠༢༣ ཟླ་ ༥ ཚེས་ ༦ ནས་ ༧ བར་ཉིན་གཉིས་རིང་ཀིརྟིའི་དགེ་རྩ་ཚོགས་པའི་སྐབས་བཞི་པའི་འགན་འཛིན་གྲོས་ཚོགས་ཐེངས་གསུམ་པ་ཚོགས། དེ་ཡང་ཞོགས་པའི་ཆུ་ཚོད་ ༨ ། ༤༠ འགན་འཛིན་གྲོས་ཚོགས་ཀྱི་འཐུས་མི་དང་སྤྱི་ཁྱབ་རྒྱུན་ལས་བཅས་ནས་རྒྱུན་ཆགས་གསུམ་པ་དང་ཤིས་བརྗོད་གསུང་བ་དང་མཉམ་གསོལ་ཇ་དང་འབྲས་སིལ་འདེགས་འབུལ། དེ་རྗེས་ཐེངས་འདིའི་འགན་འཛིན་གྲོས་ཚོགས་ཀྱི་ཚོགས་གཙོ་ཀིརྟིའི་བྱེས་པ་གྲྭ་ཚང་གི་སློབ་སྤྱི་དགེ་སོ་རུ་བློ་བཟང་དར་རྒྱས་ལགས་ནས་ཚོགས་འདུ་དབུ་འཛུགས་ཀྱི་གསུང་བཤད་གནང་བར། ང་ཚོ་ཉིན་གཉིས་རིང་ཚོགས་དགོས་པ་དེ་༸སྐྱབས་མགོན་ཀིརྟི་རིན་པོ་ཆེས་དགོས་པ་རྒྱུ་མཚན་དུ་མར་གཟིགས་ཏེ། ཀིརྟིའི་བླ་བྲང་དེ་ཉིད་གཞན་ཕན་ཆོས་ཕྱོགས་ཀྱི་དགེ་རྩ་ཁོ་ནར་དམིགས་པའི་ཀིརྟིའི་དགེ་རྩ་ཚོགས་པའི་ངོ་བོར་བསྒྱུར་གནང་བ་དེ། སྐུ་ཚེའི་མཛད་འཕྲིན་མང་པོའི་ནང་གི་མཛད་འཕྲིན་རླབས་ཆེ་ཤོས་ཤིག་ཆགས་བསྡད་ཡོད་དུས། དེ་འདྲའི་མཛད་པ་རླབས་ཆེན་དེ་སྤེལ་བ་ལ་ཀིརྟིའི་དགེ་རྩ་ཚོགས་པ་ཆགས་བསྡད་ཡོད་པ་རེད།
༄༅།། ༸སྐྱབས་རྗེ་ཀིརྟི་རིན་པོ་ཆེ་མཆོག་གིས་བཞུགས་སྒར་ཀིརྟིའི་བྱེས་པ་གྲྭ་ཚང་དབུ་བརྙེས་པའི་དུས་དྲན་མཛད་སྒོའི་ཐོག་བསྩལ་པའི་གསུང་བཤད།
༄༅།། དེ་རིང་གི་མཛད་སྒོ་འདི་ཀིརྟིའི་བྱེས་པ་གྲྭ་ཚང་དབུ་བརྙེས་པའི་དུས་དྲན་དང་བསྟུན་ནས་ཕྱག་འཁྱེར་བཞེས་པའི་ཉིན་མོ་དམིགས་བསལ་བ་ཞིག་ཏུ་གྱུར་ཡོད། དེ་རིང་གྲྭ་པ་རྒན་གཞོན་མང་པོ་ཞིག་གིས་ཕྱག་འཁྱེར་བཞེས་པ་ནི། སོ་སོའི་ངོས་ནས་ལོ་མང་པོའི་རིང་སྐུ་ལས་བསྐྱོན་པའི་གྲུབ་འབྲས་རེད། མ་འོངས་པར་ཡང་སློབ་སྦྱོང་དང་ལས་ཀ་སོགས་རང་རང་གི་འགན་འཁྲིའི་ལས་དོན་ཐོག་མུ་མཐུད་ཧུར་ཐག་འབད་ཐག་གནང་རོགས་ཞེས་ཞུ་རྒྱུ་ཡིན།
དེ་སྔ་ཕན་ཆད་རང་རང་གི་ངོས་ནས་དཀའ་ལས་བརྒྱབས་པ་དེ་དག་ནི་བོད་སྤྱི་པའི་དོན་དག་རེད་ལ། སངས་རྒྱས་ཀྱི་བསྟན་པ་སྤྱིའི་དོན་དག་ཀྱང་རེད། བླ་མ་གྲྭ་ཚང་གི་ཞབས་ཕྱི་ཡང་ཡིན་དུས། ཆོས་དགེ་བ་བྱ་བ་ཡང་འདི་ཡིན་སྙམ་པའི་བསམ་བློ་བཏང་སྟེ་བསགས་ཟིན་པའི་དགེ་བ་དེ་དག་ལ་བསྔོ་བ་སྨོན་ལམ་གྱིས་རྒྱས་ཐེབས་པ་ཞིག་བྱུང་ན་འདི་ཕྱི་གཉིས་ཀ་ལ་ཕན་ཐོགས་ཆེ་བ་ཞིག་ཡོང་གི་རེད། ད་ཕྱིན་ཆད་ཡིན་ནའང་བསྟན་པ་དང་འགྲོ་བའི་དོན་གྱི་བྱ་བ་འདི་ཡིན་སྙམ་པའི་ཐོག་ནས་རང་རང་གི་འགན་དུ་འཁྲི་བའི་ལས་དོན་ཐོག་འབད་བརྩོན་གནང་རོགས་ཞེས་རེ་སྐུལ་ཞུ་རྒྱུ་ཡིན།
༄༅།། ལོ་རེའི་ཕྱི་ཟླ་ ༥ ཚེས་ ༩ ཉིན་འཕགས་ཡུལ་ཀིརྟིའི་བྱེས་པ་གྲྭ་ཚང་གི་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་དུས་ཆེན་སུམ་འཛོམས་སྲུང་བརྩི་ཞུས།
༄༅།། ལོ་རེའི་ཕྱི་ཟླ་ ༥ ཚེས་ ༩ ཉིན་ནི་འཕགས་ཡུལ་ཀིརྟིའི་བྱེས་པ་གྲྭ་ཚང་འདི་ཉིད་དངོས་སུ་དབུ་ཚུགས་པའི་དུས་སྟོན་དང་། ༸གོང་ས་༸སྐྱབས་མགོན་ཆེན་པོ་མཆོག་གྲྭ་ཚང་འདིར་ཆིབས་བསྒྱུར་བསྐྱངས་པའི་ཉིན་མོ། སློབ་གཉེར་ཁང་འདིའི་སློབ་ཐོན་མཛད་སྒོ་བསྐྱང་རྒྱུའི་ཉིན་མོ་བཅས་དུས་ཆེན་སུམ་འཛོམས་ཀྱི་ཉིན་མོ་ཞིག་ལ་ལོ་བསྟར་སྲུང་བརྩི་ཞུ་བཞིན་ཡོད་པ་ལྟར། ད་ལོ་ཡང་ལོ་དྲུག་རིང་རིག་གནས་ཟུར་སྦྱོང་བྱས་པ་འཛིན་རིམ་བཅུ་པ་ཐོན་པའི་ཕྱག་འཁྱེར་དང་། ཕྱི་ལོ་ ༢༠༢༢ ལོའི་སློབ་སྦྱོང་དང་ལས་བྱེད་ལེགས་ཤོས་རྣམས་ལ་གཟེངས་བསྟོད་ཕྱག་འཁྱེར། དེ་བཞིན་དགེ་རྒན་གྱི་ཕྱག་ལས་གནང་ནས་ལོ་ཉི་ཤུ་ལོངས་པ་ལ་སློབ་དཔོན་ཆེན་མོ་དང་། བཅོ་ལྔ་ལོངས་རིགས་ལ་སློབ་དཔོན་གྱི་ཕྱག་འཁྱེར་འབུལ་བཞེས་བཅས་ཀྱི་མཛད་སྒོ་སྔ་ཕྱི་དྲོ་གཉིས་ཀར་སྐྱོང་གནང་མཛད་ཡོད།
ཇི་སྲིད་ཉི་ཟླའི་བགྲོད་པ་མ་ནུབ་བར་སྐུ་ཚེ་༸ཞབས་པད་མི་འགྱུར་རྡོ་རྗེའི་རང་ཁམས་སུ་བརྟན་པའི་རྒྱུ་རུ་འགྱུར་བའི་གསོལ་བ་ཕུར་ཚུགས་སུ་འདེབས་པ་ལགས།
༄༅།། ལྷ་དང་བཅས་པའི་འགྲོ་བ་ཡོངས་ཀྱི་སྤྱི་ནོར་འཛམ་གླིང་ཞི་བདེའི་དེད་དཔོན། བོད་ཁ་བ་གངས་ཅན་པ་རྣམས་ཀྱི་དཔྲལ་བའི་མིག་དང་ཁོག་པའི་སྙིང་ལྟ་བུ། ༸གོང་ས་༸སྐྱབས་མགོན་༸རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གང་ཉིད་ནས། སྐུ་ཚེ་གང་པོར་བདག་པས་གཞན་གཅེས་ཀྱི་བྱང་ཆུབ་ཀྱི་སེམས་རིན་པོ་ཆེ་ལ་ཐུགས་དམ་གྱི་གཙོ་བོར་མཛད་དེ། རིས་སུ་མ་ཆད་པའི་མཐའ་ཀླས་པའི་སྐྱེ་འགྲོ་གྲངས་མེད་པ་མ་མཛངས་མའི་བུ་གཅིག་པུ་ལ་བརྩེ་བ་བཞིན་གནང་སྟེ། རྒྱལ་ཕྱི་ནང་གི་མི་སུ་འདྲ་ཞིག་ལ་མཇལ་འཕྲད་གནང་ནའང་འཛེམ་ཟོན་དང་། བག་ཚ་བ་ཅུང་ཟད་ཙམ་ཡང་མེད་པར་ཡུན་རིང་འདྲིས་པའི་མཛའ་བཤེས་ལྟར་བྱམས་བརྩེས་གཟིགས་སྐྱོང་ཚད་མེད་གནང་དང་གནང་བཞིན་པ་ནི་སྐྱེ་བོ་ཕལ་བའི་བློ་ངོར་ཤོང་དཀའ་བའི་མཛད་པ་ལ། ཞི་བདེ་དང་དྲང་བདེན་ལ་དགའ་བའི་འཛམ་གླིང་གི་རྒྱལ་ཁབ་དང་སྐྱེ་འགྲོ་མཐའ་ཡས་པས་རྗེས་སུ་ཡི་རངས་ཞུས་ཏེ་ཤར་ནུབ་ཀྱི་སྐྱེ་བོ་ས་ཡ་མང་པོས་དགའ་བསུ་དང་། གཟེངས་རྟགས་ཅི་ཙམ་ཕུལ་བ་སོགས་ཀྱིས་མཚོན་ནུས།
