༧སྐྱབས་རྗེ་ཀིརྟི་རིན་པོ་ཆེ་མཆོག་གི་མཛད་རྣམ་(མི་ཚེ་གཅིག་ལ་སྐྱེ་བ་གསུམ་)ཞེས་པའི་བོད་འགྱུར་མ་དབུ་འབྱེད་མཛད་སྒོའི་ཐོག་གི་གསུང་བཤད་བརྙན་པར།

ལོ་འགོའི་ཞབས་བརྟན་ཆེན་མོ་ལེགས་པར་གྲུབ་ནས་སློབ་འགོ་འཛིན་ལ་ཉེ།

༄༅།།འདས་མ་ཐག་པའི་ལོ་ནག་གི་ལོ་འཁོར་གཉིས་དེ་རེ་ཞིག་ཕར་ལ་བསྐྱལ་བའི་ལོ་གསར་པའི་ཁ་གཡང་དང་རེ་སྨོན་གྱི་ཀླུང་ནས་ལོ་གཅིག་གི་བྱེད་སྒོ་མཐའ་དག་རིམ་བཞིན་འགོ་འཛུགས་བྱས་པའི་ཁྲོད་ཕྱི་ཟླ་ ༣ ཚེས་ ༣༡ ཉིན་ནས་གུང་སེང་ཆེན་མོ་ཚར་བ་དང་། ཕྱི་ཟླ་ ༤ ཚེས་ ༡ ནས་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་སྤྱི་ནོར་༸གོང་ས་༸སྐྱབས་མགོན་རྒྱལ་དབང་ཐམས་ཅད་མཁྱེན་པ་མཆོག་དང་། བདག་ཅག་རྣམས་ཀྱི་མེ་ཏོག་གང་ཕོག་པའི་ལྷ་སྐལ་༸རོང་ཆེན་བསྟན་པའི་སྒྲོན་མེ་༸སྐྱབས་རྗེ་ཀིརྟི་རིན་པོ་ཆེ་རྣམ་གཉིས་ཀྱིས་དབུས་རིས་སུ་མ་ཆད་པའི་བསྟན་འཛིན་གྱི་སྐྱེས་ཆེན་དམ་པ་རྣམས་ཀྱི་སྐུ་ཚེ་བརྟན་ཅིང་། བསྟན་པ་དང་འགྲོ་བའི་དོན་དུ་ཐུགས་བསྐྱེད་རླབས་པོ་ཆེ་མཐའ་དག་གེགས་མེད་ལྷུན་གྱིས་འགྲུབ་པ་དང་།

དུས་འཁོར་རྒྱུད་འགྲེལ་ཆེན་མོའི་ཕྱག་དཔེ་དབུ་འབྱེད་དང་རྒྱལ་བའི་བཀའ་དྲིན་རྗེས་དྲན་གྱི་མཛད་སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་གིས་བསྩལ་པའི་གསུང་བཤད།

༄༅།། རྨད་དུ་བྱུང་བའི་དགོངས་བཞེད་ལས་འཁྲུངས་པའི་དུས་འཁོར་རྒྱུད་འགྲེལ་ཆེན་མོའི་ཕྱག་དཔེ་དབུ་འབྱེད་དང་༸རྒྱལ་བའི་བཀའ་དྲིན་རྗེས་དྲན་གྱི་མཛད་སྒོའི་ཐོག་ཕེབས་པའི་སྐུ་མགྲོན་གཙོ་བོ་དཔལ་ལྡན་སྐུ་ངོ་སྲིད་སྐྱོང་མཆོག་དང་། བོད་མི་མང་སྤྱི་འཐུས་ཚོགས་གཙོ་མཆོག དགའ་ལྡན་ཕོ་བྲང་གི་དྲུང་ཆེ། དུས་འཁོར་རྒྱུད་འགྲེལ་འདིའི་རྒྱུན་འཛིན་དང་འཆད་ཉན་གནང་མཁན་བྱ་དོར་རིན་པོ་ཆེ།གཞན་ཡང་སྐུ་མགྲོན་རྣམ་པ། རྩོམ་སྒྲིག་གཙོ་བོ་གནང་མཁན་གྱི་རྩོམ་སྒྲིག་པ་རྣམ་པ་བཅས་ལ། ངས་སྐད་ཆ་ཐུང་ཐུང་ཞིག་ཞུ་རྒྱུ་ཡིན།

ང་དང་དམིགས་བསལ་གྱིས་འབྲེལ་བ་ཡོད་པའི་ཀིརྟིའི་མཚན་ཞབས་རིན་པོ་ཆེ་མཆོག་གིས། ཆད་ལ་ཉེ་བའི་དུས་འཁོར་རྒྱུད་འགྲེལ་གྱི་འཆད་ཉན་སླར་གསོའི་མཛད་སྒོའི་ཐོག་ང་ལ་ཡོང་རོགས་ཞེས་གསུང་གི་འདུག ང་ཡོང་ནས་ཕན་ཐོགས་གང་ཡང་ཡོད་པ་མ་རེད་ཅེེས་ཞུས་པ་ཡིན་ཡང་། ཁོང་རྣམ་པས་ཨུ་ཚུགས་བསྐྱོན་གྱི་འདུག་པར་བརྟེན་ཀིརྟིའི་མཚན་ཞབས་རིན་པོ་ཆེ་ང་དང་དམིགས་བསལ་འབྲེལ་བ་ཡོད་པ་རྒྱུ་མཚན་དུ་བྱས་ནས་དེ་རིང་འདིར་མཛད་སྒོར་བཅར་བ་ཡིན།

༄༅།།ལོ་གསར་རྙིང་བར་གྱི་༸སྐྱབས་རྗེ་ཀིརྟི་རིན་པོ་ཆེ་མཆོག་གི་མཛད་འཕྲིན་སྐོར་གནས་ཚུལ་མདོར་བསྡུས།

ཕྱི་ལོ་ ༢༠༢༡ ཟླ་ ༡༢ ཚེས་ ༢༠ ཉིན་བཞུགས་སྒར་ནས་ཕེབས་འཁོར་ནང་ཆིབས་བསྒྱུར་གྱིས་ཕྱི་ཟླ་ ༡༢ ཚེས་ ༢༣ ཉིན་རྡོར་གདན་ཀིརྟིའི་སྒར་བསམ་ཡས་གླིང་དུ་༸ཞབས་སོར་བདེ་བར་འཁོད།

ཕྱི་ཟླ་ ༡༢ ཚེས་ ༢༤ ཉིན་ཆོས་སྲུང་རྣམས་ལ་བསང་གསོལ་བསྡུས་པ་མཛད།

ཕྱི་ཟླ་ ༡༢ ཚེས་ ༢༦ ཉིན་ནས་བཟུང་སློབ་དེབ་བློ་གསལ་མགུལ་རྒྱན་གྱི་ཁ་སྐོང་སློབ་དེབ་ཁག་བཞི་རྩོམ་སྒྲིག་སོགས་ཕྱག་ལས་དུ་མའི་དབུ་བཙུགས།

ཕྱི་ཟླ་ ༡༢ ཚེས་ ༢༩ དགའ་ལྡན་ལྔ་མཆོད་ཆེན་མོའི་ཉིན་སྔ་དྲོ་དགའ་ལྡན་ཁྲི་ཐོག་ཁང་ནས་གོ་སྒྲིག་ཞུས་པ་ལྟར་དྲ་ལམ་བརྙན་འཕྲིན་བརྒྱུད་༸གོང་ས་༸སྐྱབས་མགོན་ཆེན་པོ་མཆོག་གི་གསུང་ཆོས་གསན་བཞེས་དང་། ཕྱི་དྲོ་རྗེ་ཉིད་དབུར་བཞུགས་སྟོན་འཁོར་ལྷན་རྒྱས་ནས་བླ་མ་མཆོད་པ་དང་རྗེའི་གསང་རྣམ་སོགས་ཞལ་འདོན་དུ་མ་དང་། དགོང་མོ་དམིགས་བརྩེ་མ་རྒྱང་འཐེན་དང་འབྲེལ་མར་མེ་དང་གློག་མཆོད་གང་མང་ཕུལ་ཏེ་རྡོར་གདན་ཀིརྟིའི་སྒར་བསམ་ཡས་གླིང་དུ་དགའ་ལྡན་ལྔ་མཆོད་ཆེན་མོ་ཐེངས་དང་པོ་འཚོགས་པ་གནང་།