ཌལ་ཧོར་ཕུན་ཚོགས་གླིང་བོད་མིའི་གཞིས་ཆགས་ཀྱི་རྒན་གཞོན་བརྒྱད་ཅུ་ལྷག་༸སྐྱབས་རྗེ་ཀིརྟི་རིན་པོ་ཆེ་མཆོག་ལ་མཇལ་ཁར་བཅར་སྐབས་གནང་བའི་གསུང་བཤད།

༄༅།། ང་ད་ལོ་ལོ་བརྒྱད་ཅུ་གྱ་གཅིག་ཡིན། རྣམ་པ་ཚོའི་ནང་དུ་དགུང་ལོ་བརྒྱད་ཅུ་དང་བདུན་ཅུ་ནང་ཅན་མང་པོ་འདུག།ང་ཚོ་མང་ཆེ་བ་ན་མཉམ་ལྟ་བུ་ཡིན་དུས་ཁྱེད་ཚོ་དེ་རིང་ཆེད་དུ་ང་ལ་ཐུག་པར་ཡོང་བར་དགའ་བོ་བྱུང་བས་ཐུགས་རྗེ་ཆེ་ཞུ་རྒྱུ་ཡིན།

ཕྱི་ལོ་ ༡༩༦༢ ལོ་ནས་ཕྱི་ལོ་ ༡༩༦༤ ལོའི་བར་ང་ཌ་ལ་ཧོ་སི་ལ་བསྡད་པ་ཡིན་དུས་ང་ཚོ་ཕ་ཡུལ་གཅིག་པ་ལྟ་བུར་གྱུར་ཡོད། སྐབས་དེར་ཌ་ལ་ཧོ་སིར་གདན་ས་སེར་འབྲས་དགེ་གསུམ་གྱི་དགེ་བཤེས་མང་པོ་ཞིག་དང། རྒྱུད་གྲྭ་སྟོད་སྨད་ཀྱི་དགེ་འདུན་པ་མང་པོ་བཞུགས་ཡོད། དེ་བཞིན་དུ་བཟོ་གྲྭ་དང་། རྒས་གསོ་ཁང། སློབ་གྲྭ་གཉིས་སོགས་བོད་མི་གང་འཚམས་མང་པོ་ཡོད་དུས། ཌ་ལ་ཧོ་སི་ཟེར་བའི་སྐབས་ས་གནས་གཞན་དག་དང་མ་འདྲ་བར་བོད་ཀྱི་ཆོས་སྡེ་ཆེན་པོ་ཡོད་ས་དང། བོད་པའི་མང་ཚོགས་ཤིན་ཏུ་མང་པོ་ཡོད་ས་ཞིག་ཏུ་གྱུར་ཡོད་ནའང་། ཕྱིས་སུ་རིམ་པས་བོད་མི་མང་པོ་ཞིག་ཡར་མར་དུ་གཞིས་སྤོས་བྱས་པ་རེད།

འཕགས་ཡུལ་ཀིརྟིའི་བྱེས་པ་གྲྭ་ཚང་ཆེས་མཐོའི་བོད་ཀྱི་རིག་གནས་སློབ་གཉེར་ཁང་གི་ཤེས་ཡོན་སློབ་སྦྱོང་དང་འབྲེལ་བའི་ལས་བསྡོམས།

༄༅།། དཔལ་ལྡན་མཁྱེན་དཔྱོད་མཚུངས་མེད་བཀུར་འོས་མི་རྗེ་ྋསྲིད་སྐྱོང་སྤེན་པ་ཚེ་རིང་མཆོག་དང་། གྲྭ་ཚང་གི་མཁན་རིན་པོ་ཆེ་དང་སྐུ་ཚབ། དགེ་སློབ་ལས་བྱེད་ཡོངས་ལ་ཐོག་མར་འཚམ་འདྲི་བཀྲ་ཤིས་བདེ་ལེགས་ཞུ་བ་དང་ཆབས་ཅིགསློབ་གཉེར་ཁང་འདིའི་ཤེས་ཡོན་དང་འབྲེལ་བའི་ལས་བསྡོམས་མདོར་བསྡུས་ཤིག་ྋསྙན་སེང་ཞུ་རྒྱུ་ཡིན།

བཞུགས་སྒར་ཀིརྟིའི་བྱེས་པ་གྲྭ་ཚང་ཚུགས་པའི་དུས་དྲན་མཛད་སྒོའི་ཐོག་གྲྭ་ཚང་གི་བླ་སྤྲུལ་དགེ་སློབ་ཡོངས་དང་འབྲེལ་ཡོད་མང་ཚོགས་བཅས་ལ་༸སྐྱབས་མགོན་ཀིརྟི་རིན་པོ་ཆེ་མཆོག་གིས་བསྩལ་པའི་ལམ་སྟོན་གསུང་བཤད།

༄༅།། གྲྭ་ཚང་གི་མཁན་རིན་པོ་ཆེས་གཙོས་གྲྭ་ཚང་གི་བླ་སྤྲུལ་འདུས་མང་དང་ལས་བྱེད་པ་ཡོངས་ལ། དེ་རིང་ཁྱེད་རྣམས་ཀྱིས་སོ་སོའི་ངོས་ནས་ལོ་མང་རིང་དཀའ་ལས་བརྒྱབ་པའི་འབྲས་བུ་ལ་དགའ་དར་བཞེས་པའི་དུས་ཚིགས་དམིགས་བསལ་བ་ཞིག་རེད། རང་རང་གི་ངོས་ནས་འདས་པའི་ལོ་མང་རིང་དཀའ་ལས་བརྒྱབ་པའི་དགེ་བ་ལ་རྗེས་སུ་ཡི་རང་བྱས་པ་ཡིན་ན་ཕན་ཐོགས་བླ་ན་མེད་པ་ཞིག་ཡོང་གི་རེད། རྣམ་པ་ཚོས་ད་ལྟའི་བར་དུ་སངས་རྒྱས་ཀྱི་བསྟན་པ་ཡུན་གནས་དར་འཕེལ་ཡོང་བའི་དོན་དུ་དཀའ་ལས་བརྒྱབ་པ་ཡིན་དུས། རང་གི་དགེ་བའི་བྱ་བ་གང་བྱས་པ་དེ་ལ་རྗེས་སུ་ཡི་རང་གི་སྒོ་ནས་དགེ་བ་རྫོགས་བྱང་ལ་བསྔོ་དགོས་པ་དེ་གལ་ཆེན་པོ་རེད་ཅེས་ཐོག་དང་པོ་ཞུ་འདོད་བྱུང་།

བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མི་རྗེ་སྐུ་ངོ་སྤེན་པ་ཚེ་རིང་མཆོག་གིས་འདི་གའི་སློབ་ཐོན་མཛད་སྒོའི་ཐོག་གནང་བའི་ལམ་སྟོན་གསུང་བཤད།