༸རོང་ཆེན་བསྟན་པའི་སྒྲོན་མེ་༸སྐྱབས་རྗེ་ཀིརྟི་རིན་པོ་ཆེ་མཆོག་དགུང་གྲངས་བརྒྱད་ཅུར་ཕེབས་པའི་དམིགས་བསལ་ཞབས་རིམ་ཁག་བསྒྲུབས་པ་དང་སྐུའི་འཁྲུངས་ཚེས་སྲུང་བརྩི་ཞུས་པ།

༄༅།། ལོ་རེའི་ཕྱི་ཟླ་༨ཚེས་༨ནི་༸རོང་ཆེན་བསྟན་པའི་སྒྲོན་མེ་༸སྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག་གི་སྐུའི་འཁྲུངས་ཚེས་ཡིན་ཞིང་། ཉིན་དེར་དམིགས་བསལ་གྱི་མཛད་སྒོ་གང་ཡང་མེད་ནའང་། བོད་གཞིས་བྱེས་གཉིས་ཀྱི་འབྲེལ་ཡོད་དགོན་པ་སོ་སོའི་གཞུང་དང་། གྲྭ་ཚང་། འཛིན་གྲྭ། སློབ་གྲྭགྲོང་སྡེ།ཤོག་ཀསྐྱིད་སྡུག་ཚོགས་པ་ཆེ་ཆུང་སྣ་ཚོགས། གྲོགས་པོའི་ཚོགས་པ།གླུ་གར་ཚོགས་པ། མི་ཚང་དང་། མི་སྒེར་པ་སོགས་སྤྱི་སྒེར་སེར་སྐྱ་ཕོ་མོ་རྒན་གཞོན་ཧ་ཅང་མང་པོས།མ་སྐུལ་དང་བླངས། མ་གྲོས་བསམ་པ་གཅིག་མཐུན་གྱིས་སྐུའི་འཁྲུངས་ཚེས་དང་འབྲེལ་ནས་ཁ་ཡོད་ལག་ཡོད་ཀྱི་རྣམ་དཀར་དགེ་བའི་ལས་གང་ཐུབ་རེ་སྤེལ་རྒྱུ་ལོ་ཤས་གོང་ནས་སྲོལ་ལྟར་གྱུར་ཡོད་ཀྱང་།

༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་གྱ་དྲུག་པ་དགའ་བ་འབུམ་གྱིས་བསུ།

༄༅།། བཞུགས་སྒར་ཀིརྟིའི་བྱེས་པ་གྲྭ་ཚང་གི་མཁན་རིན་པོ་ཆེ་དབུ་བཞུགས་ཐོག་འདུས་མང་ཡོངས་ནས་སྐྱབས་སེམས་སྔོན་དུ་བཏང་ནས་གནས་བཅུ་དང་འབྲེལ་ཞབས་བརྟན་གསོལ་འདེབས་འུར་འདོན་གནང་ཞིང་། མཎྜལ་རྟེན་གསུམ་འདེགས་འབུལ་དང་། སྤྲི་གོར་བགོ་འགྲེམས་སོགས་ཀྱི་ལམ་ནས། འཇིག་རྟེན་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་གྱ་དྲུག་ལ་ཕེབས་པའི་སྐུའི་འཁྲུངས་སྐར་སྲུང་བརྩི་ཞུས་པའི་འདྲ་པར་དང་བརྙན་འགའ་འདིར་ཕུལ་ཡོད། 

མི་རྗེ་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་བཀྲ་ཤིས་བདེ་ལེགས་ཞུ།

༄༅།། བོད་མི་མང་གིས་བདམས་པའི་མི་རྗེ་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་བཀྲ་ཤིས་བདེ་ལེགས་དང་། སླད་མར་བོད་མི་རིགས་ཀྱི་བདེན་དོན་འཐབ་རྩོད་ཀྱི་བགྱི་སྒོ་གང་ཡོད་བོད་མི་རིགས་ཀྱི་མགོན་སྐྱབས་དང་དཔུང་གཉེན་བླ་ན་མེད་པ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བཞེད་དང་མཐུན་པར་གེགས་མེད་ལམ་འགྲོ་ཡོང་བའི་སྨོན་འདུན་ཞུ། 

༄༅།།ཐེ་ཝན་བོད་བརྒྱུད་རིས་མེད་འཛམ་གླིང་ཞི་བདེའི་བཀའ་ཆོས་སྨོན་ལམ་ཆེན་མོ་དབུ་འཛུགས་ཀྱི་མཛད་སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་ནས་བསྩལ་པའི་གསུང་བཤད།

ཕྱི་ལོ་ ༢༠༢༡ ལོའི་ ཟླ་ ༥ ཚེས་ ༡ ལ། ས་གནས། ཐེ་ཝན་གྱི་རྒྱལ་ས་ཐེ་པེ།

༄༅།། བོད་བརྒྱུད་རིས་མེད་འཛམ་གླིང་ཞི་བདེའི་བཀའ་ཆོས་སྨོན་ལམ་ཆེན་མོའི་ཐོག་ཕེབས་པའི་བོད་བརྒྱུད་རིས་མེད་ཀྱི་མཁན་བླ་སྤྲུལ་དང་། དགེ་འདུན་པ་རྣམ་པ། རྒྱ་བརྒྱུད་ནང་བསྟན་གྱི་དགེ་ཚུལ་སློང་། ཆོས་གྲོགས་ཕོ་མོ་རྣམ་པ་ལྷན་རྒྱས་ལ་ཐོག་མར་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན།

ཆོས་བརྒྱུད་རིས་མེད་ཀྱི་ཆོས་ཚོགས་ཁག་བརྒྱ་ལྷག་ལྷན་དུ་འཛོམས་པའི་འཛམ་གླིང་ཞི་བདེའི་སྨོན་ལམ་ཆེན་མོ་འདི་གོ་སྒྲིག་གནང་མཁན་ཡོངས་ལ་ཐུགས་རྗེ་ཆེ་ཞུ་རྒྱུ་ཡིན། རིས་མེད་ཞི་བདེའི་སྨོན་ལམ་ཆེན་མོ་གོ་སྒྲིག་གནང་བའི་ལས་འགུལ་འདི་གཞི་ནས་འགོ་ཚུགས་བཞིན་པ་ཞིག་མ་གཏོགས་ལས་འགུལ་འདི་མཐའ་མ་མིན་དུས། མ་འོངས་པར་ཞི་བདེའི་སྨོན་ལམ་ཆེན་མོ་འདི་དང་འབྲེལ་བའི་ལས་འགུལ་རྒྱ་ཆེན་པོ་རེ་སྤེལ་ཐུབ་པར་འབྲེལ་ཡོད་ཀུན་གྱིས་འབད་བརྩོན་ལྷོད་མེད་གནང་རོགས་ཞེས་ངོས་ནས་རེ་འདུན་ཞུ་བཞིན་ཡོད།