༸སྐྱབས་རྗེ་ཀིརྟི་རིན་པོ་ཆེ་མཆོག་གི་རྣམ་ཐར་མི་ཚེ་གཅིག་ལ་སྐྱེ་བ་གསུམ་ཞེས་པའི་རྒྱ་ཡིག་གི་དཔེ་དེབ་དབུ་འབྱེད་འགྲེམས་སྤེལ་གནང་བ།
༄༅།། རྒྱ་རིགས་རྩོམ་པ་པོ་གྲགས་ཅན་ལིས་ཅང་ལིས་ལགས་ཀྱིས་བཅར་འདྲི་དང་རྩོམ་སྒྲིག་གནང་བའི་༸སྐྱབས་མགོན་ཀིརྟི་རིན་པོ་ཆེ་མཆོག་གི་རྣམ་ཐར་ <<མི་ཚེ་གཅིག་ལ་སྐྱེ་བ་གསུམ།>>ཞེས་པའི་མ་རྩོམ་རྒྱ་ཡིག་ནང་ཡོད་པ་དེ་ཐའེ་ཝན་གངས་ལྗོངས་དཔེ་སྐྲུན་ཁང་ནས་པར་བསྐྲུན་གནང་བ་ཕྱི་ལོ་ ༢༠༢༡ ཟླ་ ༤ ཚེས་ ༢༢ ཉིན་ཐའེ་ཝན་བོད་ཀྱི་དོན་གཅོག་ཁང་གི་གོ་སྒྲིག་འོག་༸སྐྱབས་མགོན་ཀིརྟི་རིན་པོ་ཆེ་མཆོག་དབུ་བཞུགས་ཐོག་དབུ་འབྱེད་མཛད་སྒོ་གནང་ཡོད་ལ། བོད་འགྱུར་ཞུས་ཟིན་པ་ཡང་མཐའ་མའི་ཞུས་དག་འགྲོ་བཞིན་ཡོད་པས། རིང་མིན་རྒྱ་ཆེའི་ཀློག་པ་པོ་རྣམས་ཀྱི་སྤྱན་སྔར་འགྲེམས་སྤེལ་ཞུ་འཆར་ལགས། དེ་བཞིན་ཉིན་དེར་ཐའེ་ཝན་བོད་ཀྱི་དོན་གཅོད་གསར་རྙིང་གི་ལས་འགན་རྩིས་སྤྲོད་རྩིས་ལེན་གནང་བའི་མཛད་སྒོ་བསྐྱངས་པའི་དབུ་བཞུགས་སུ་༸སྐྱབས་རྗེ་ཀིརྟི་རིན་པོ་ཆེ་མཆོག་ཕེབས་གནང་ཡོད།
འདི་ལོའི་ཞབས་བརྟན་ཆེན་མོ་སོགས་ལེགས་པར་གྲུབ་ནས་སློབ་འགོ་གསར་དུ་ཚུགས་པ།
ཕྱི་ལོ་ ༢༠༢༠ ལོ་ནི་འཛམ་གླིང་གི་ལོ་ནག་ཅིག་ཡིན་པར་སོང་། འདི་ག་གྲྭ་ཚང་དུ་ཡང་ལོ་གཅིག་མ་ཟིན་ཙམ་རིང་ཁྱིམ་སྡོད་བཀའ་རྒྱའི་འོག་ཕྱི་ནང་གི་འགྲོ་འོང་བཀག་སྡོམ་བྱས་པ་དང་། བསླབ་པ་སློབ་གཉེར་གཙོ་བོར་གྱུར་པའི་གནང་སྒོ་མང་པོ་ཞིག་ལའང་སྔར་བཞིན་བྱེད་མ་ཐུབ་པར་དཀའ་ངལ་བྱུང་ཡོད། འོན་ཀྱང་ཕྱི་ལོ་ ༢༠༢༡ ཟླ་༢ པ་ནས་བཟུང་རྡ་སའི་ཉེ་འཁོར་ལ་དགེ་འདུན་པ་རྣམས་ཕེབས་ཆོག་པའི་སྒོ་འབྱེད་བྱས་པར་མ་ཟད།
༸སྐྱབས་མགོན་ཀིརྟི་རིན་པོ་ཆེ་མཆོག་གི་རྣམ་ཐར་མི་ཚེ་གཅིག་ལ་སྐྱེ་བ་གསུམ་ཞེས་པ་དབྱིན་འགྱུར་གྱི་ངོ་སྤྲོད་མདོར་བསྡུས།
༄༅།། རྒྱ་རིགས་རྩོམ་པ་པོ་གྲགས་ཅན་ལིས་ཅང་ལིས་ལགས་ཀྱིས་བཅར་འདྲི་དང་རྩོམ་སྒྲིག་མཛད་པའི་༸སྐྱབས་མགོན་ཀིརྟི་རིན་པོ་ཆེ་མཆོག་གི་རྣམ་ཐར་<<མི་ཚེ་གཅིག་ལ་སྐྱེ་བ་གསུམ།>>ཞེས་པའི་དབྱིན་འགྱུར་མ་བོད་ཀྱི་དཔེ་མཛོད་ཁང་ནས་པར་བསྐྲུན་གནང་བ་ཉེ་ལམ་དྲ་ཐོག་ནས་དབུ་འབྱེད་ཞུས་པ་ལྟར་ཡིན་ལ།འདིའི་མ་རྩོམ་རྒྱ་ཡིག་ཅན་ཐེ་ཝན་དོན་གཅོད་ཁང་གིས་རྐང་འགན་བཞེས་ཏེ་གངས་ལྗོངས་དཔེ་སྐྲུན་ཁང་ནས་པར་སྐྲུན་གྱི་ལས་གཞི་འགྲོ་བཞིན་ཡོད་པ་དང་། བོད་འགྱུར་ཞུས་ཟིན་པ་ཡང་མཐའ་མའི་ཞུས་དག་འགྲོ་བཞིན་ཡོད་པས།རིང་མིན་རྒྱ་ཆེའི་ཀློག་པ་པོ་རྣམས་ཀྱི་སྤྱན་སྔར་འགྲེམས་སྤེལ་ཞུ་འཆར་ལགས།
༄༅།།ཐེ་ཝན་བོད་ཀྱི་སྐུ་ཚབ་དོན་གཅོད་ཁང་གིས་གོ་སྒྲིག་གནང་བའི་ལྕགས་མོ་གླང་ལོའི་གནམ་ལོ་གསར་ཚེས་ཀྱི་དགའ་སྟོན་རྟེན་འབྲེལ་མཛད་སྒོའི་ཐོག་བསྩལ་པའི་གསུང་བཤད།
༄༅། ། བོད་རྒྱལ་ལོ་ ༢༡༤༨ རབ་གནས་ལྕགས་མོ་གླང་གི་ལོའི་གནམ་ལོ་གསར་ཚེས་ལ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།ངས་ལོ་སར་གྱི་སྨོན་ཚིག་མང་པོ་ཞུ་དགོས་པའི་རྒྱུ་མཚན་མི་འདུགཁ་སང་༸རྒྱལ་བ་རིན་པོ་ཆེས་བོད་ཕྱི་ནང་གི་བོད་རིགས་མང་ཚོགས་ཀྱིས་གཙོས་པའི་འཛམ་གླིང་སྤྱི་ཡོངས་ལ་ཁྱབ་པའི་ལོ་སར་གྱི་སྨོན་ཚིག་གནང་བ་དེ་རྣམ་པ་ཚོས་གསན་ནས་ནང་དོན་ཤེས་ཀྱི་ཡོད་པ་ཡིན་དུས། སྨོན་ཚིག་གནང་བ་ནང་བཞིན་ང་ཚོ་སོ་སོའི་ངོས་ནས་ལག་ལེན་དུ་བསྟར་དགོས་པ་དེ་གལ་ཆེ་ཤོས་སུ་གྱུར་ཡོད་པ་རེད། ང་ཚོས་ལོ་གསར་པ་འདིའི་ལོ་འགོ་ནས་བཟུང་སྟེ་༸རྒྱལ་བ་རིན་པོ་ཆེས་གང་གསུངས་པ་དེ་རང་རང་གིས་ནུས་ཚོད་ཀྱིས་ལག་ལེན་དུ་བསྟར་རྒྱུ་ཡིན་བསམ་པའི་དམ་བཅའ་འབུལ་དགོས་པ་འདི་གལ་ཆེན་པོ་རེད། ལྷག་པར་དུ་དེ་རིང་འདིར་བོད་རིགས་མང་པོ་ཞིག་ལྷན་ཅིག་ཏུ་འཛོམས་ཡོད་པ་འདི་བོད་རང་གི་ས་ཐོག་ཏུ་མ་ཡིན་པར་ལུང་པ་གཞན་པ་ཞིག་གི་ནང་དུ་འཛོམས་ཡོད་པ་ཡིན་དུས། གཅིག་ལ་གཉིས་བརྒྱུད་བྱས་ཏེ་༸རྒྱལ་བ་རིན་པོ་ཆེར་དགོངས་གཞི་གང་ཡོད་པ་དེ་ཇི་ལྟ་བ་བཞིན་དུ་ཆ་ཚང་བ་ཞིག་མི་རིགས་གཞན་དག་གི་མང་ཚོགས་ལ་གོ་རྟོགས་སྤེལ་བའི་ཐབས་ཤེས་གནང་དགོས།༸རྒྱལ་བ་རིན་པོ་ཆེས་བོད་མི་རིགས་ཙམ་མིན་པར་འཛམ་གླིང་སྤྱིའི་བདེ་སྡུག་ལ་འཕོ་འགྱུར་གཏོང་ཐུབ་པའི་རླབས་ཆེན་གྱི་མཛད་འགན་ནམ་ཐུགས་སྐྱེད་དམ་བཅའ་ཆེན་པོ་བཞིའི་མཛད་འགན་བཞེས་བཞིན་ཡོད་དུས། ང་ཚོ་ཡོངས་རྫོགས་༸རྒྱལ་བ་རིན་པོ་ཆེའི་རྗེས་འཇུག་གི་སློབ་མ་ཞིག་ཡིན་པའི་ཆ་ནས་ཆར་པ་ཆུ་གྲོགས་ཀྱི་དཔེ་ལྟར།