མི་རྗེ་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་བཀྲ་ཤིས་བདེ་ལེགས་ཞུ།

༄༅།། བོད་མི་མང་གིས་བདམས་པའི་མི་རྗེ་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་ལ་འཚམས་འདྲིའི་བཀྲ་ཤིས་བདེ་ལེགས་དང་། སླད་མར་བོད་མི་རིགས་ཀྱི་བདེན་དོན་འཐབ་རྩོད་ཀྱི་བགྱི་སྒོ་གང་ཡོད་བོད་མི་རིགས་ཀྱི་མགོན་སྐྱབས་དང་དཔུང་གཉེན་བླ་ན་མེད་པ་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་བཞེད་དང་མཐུན་པར་གེགས་མེད་ལམ་འགྲོ་ཡོང་བའི་སྨོན་འདུན་ཞུ། 

༄༅།།ཐེ་ཝན་བོད་བརྒྱུད་རིས་མེད་འཛམ་གླིང་ཞི་བདེའི་བཀའ་ཆོས་སྨོན་ལམ་ཆེན་མོ་དབུ་འཛུགས་ཀྱི་མཛད་སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་ནས་བསྩལ་པའི་གསུང་བཤད།

ཕྱི་ལོ་ ༢༠༢༡ ལོའི་ ཟླ་ ༥ ཚེས་ ༡ ལ། ས་གནས། ཐེ་ཝན་གྱི་རྒྱལ་ས་ཐེ་པེ།

༄༅།། བོད་བརྒྱུད་རིས་མེད་འཛམ་གླིང་ཞི་བདེའི་བཀའ་ཆོས་སྨོན་ལམ་ཆེན་མོའི་ཐོག་ཕེབས་པའི་བོད་བརྒྱུད་རིས་མེད་ཀྱི་མཁན་བླ་སྤྲུལ་དང་། དགེ་འདུན་པ་རྣམ་པ། རྒྱ་བརྒྱུད་ནང་བསྟན་གྱི་དགེ་ཚུལ་སློང་། ཆོས་གྲོགས་ཕོ་མོ་རྣམ་པ་ལྷན་རྒྱས་ལ་ཐོག་མར་འཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན།

ཆོས་བརྒྱུད་རིས་མེད་ཀྱི་ཆོས་ཚོགས་ཁག་བརྒྱ་ལྷག་ལྷན་དུ་འཛོམས་པའི་འཛམ་གླིང་ཞི་བདེའི་སྨོན་ལམ་ཆེན་མོ་འདི་གོ་སྒྲིག་གནང་མཁན་ཡོངས་ལ་ཐུགས་རྗེ་ཆེ་ཞུ་རྒྱུ་ཡིན། རིས་མེད་ཞི་བདེའི་སྨོན་ལམ་ཆེན་མོ་གོ་སྒྲིག་གནང་བའི་ལས་འགུལ་འདི་གཞི་ནས་འགོ་ཚུགས་བཞིན་པ་ཞིག་མ་གཏོགས་ལས་འགུལ་འདི་མཐའ་མ་མིན་དུས། མ་འོངས་པར་ཞི་བདེའི་སྨོན་ལམ་ཆེན་མོ་འདི་དང་འབྲེལ་བའི་ལས་འགུལ་རྒྱ་ཆེན་པོ་རེ་སྤེལ་ཐུབ་པར་འབྲེལ་ཡོད་ཀུན་གྱིས་འབད་བརྩོན་ལྷོད་མེད་གནང་རོགས་ཞེས་ངོས་ནས་རེ་འདུན་ཞུ་བཞིན་ཡོད།

༄༅།།ཐེ་ཝན་བོད་ཀྱི་སྐུ་ཚབ་དོན་གཅོད་ཁང་གི་གོ་སྒྲིག་འོག་༸སྐྱབས་རྗེ་ཀིརྟི་རིན་པོ་ཆེ་མཆོག་གི་རྣམ་ཐར་ཞེས་པའི་རྒྱ་ཡིག་དཔེ་དེབ་ཞལ་དབྱེའི་མཛད་ སྒོའི་ཐོག་༸སྐྱབས་རྗེ་ཀིརྟི་རིན་པོ་ཆེ་མཆོག་ནས་བསྩལ་པའི་གསུང་བཤད།

༄༅།། ཐོག་དང་པོར་ང་རང་གི་གནས་སྟངས་ཕྲན་བུ་ཞིག་ངོ་སྤྲོད་ཞུ་རྒྱུ་ཡིན། ངའི་ཨ་མཆོག་གིས་གསལ་པོ་གོ་ཐུབ་ཀྱི་མེད་དུས་གོང་དུ་ངོ་སྤྲོད་གནང་བའི་གནས་ཚུལ་མང་ཆེ་བ་ངས་གོ་མ་བྱུང་། གཉིས་པ་དེ་ངས་བོད་སྐད་མ་གཏོགས་རྒྱ་སྐད་དང་དབྱིན་ཇིའི་སྐད་ཡིག་གིས་མཚོན་པའི་སྐད་ཡིག་གཞན་ཤེས་ཀྱི་མེད་དུས་རྣམ་པ་ཚོར་སྟབས་མ་བདེ་བར་ཆགས་སོང་བས་ཐོག་དང་པོར་དགོངས་དག་ཞུ་རྒྱུ་ཡིན།
དེ་རིང་འདིར་སྐུ་ངོ་དོན་གཅོད་གསར་རྙིང་རྣམ་པ་གཉིས་དང་། དགེ་བཤེས་ལགས། སྐུ་ཚབ་དོན་གཅོད་ཁང་གི་ལས་བྱེད་རྣམ་པ་དང་ཆོས་གྲོགས་རྣམ་པ་ལྷན་རྒྱས་ངའི་ལོ་རྒྱུས་ཀྱི་དཔེ་དེབ་མི་ཚེ་གཅིག་ལ་སྐྱེ་བ་གསུམ་ཞེས་པ་ཞལ་དབྱེའི་མཛད་སྒོའི་ཐོག་ཆིབས་བསྒྱུར་བསྐྱངས་པར་ཐུགས་རྗེ་ཆེ།བཀྲ་ཤིས་བདེ་ལེགས་ཞུ་རྒྱུ་ཡིན།
ངའི་ལོ་རྒྱུས་ཀྱི་དཔེ་དེབ་འདི་གངས་ལྗོངས་དཔེ་སྐྲུན་ཁང་ནས་དཔར་སྐྲུན་གནང་བར་མ་ཟད། དེ་རིང་དཔེ་དེབ་ཞལ་དབྱེའི་མཛད་སྒོ་ཡང་དོན་གཅོད་ཁང་གིས་གོ་སྒྲིག་ཤིན་ཏུ་ཡག་པོ་དང་གྲ་རྒྱས་པོ་གནང་འདུག་པས་འབྲེལ་ཡོད་རྣམ་པ་ལྷན་རྒྱས་ལ་ཐུགས་རྗེ་ཆེ་ཞུ་རྒྱུ་ཡིན།

༸སྐྱབས་རྗེ་ཀིརྟི་རིན་པོ་ཆེ་མཆོག་གི་རྣམ་ཐར་མི་ཚེ་གཅིག་ལ་སྐྱེ་བ་གསུམ་ཞེས་པའི་རྒྱ་ཡིག་གི་དཔེ་དེབ་དབུ་འབྱེད་འགྲེམས་སྤེལ་གནང་བ།

༄༅།། རྒྱ་རིགས་རྩོམ་པ་པོ་གྲགས་ཅན་ལིས་ཅང་ལིས་ལགས་ཀྱིས་བཅར་འདྲི་དང་རྩོམ་སྒྲིག་གནང་བའི་༸སྐྱབས་མགོན་ཀིརྟི་རིན་པོ་ཆེ་མཆོག་གི་རྣམ་ཐར་ <<མི་ཚེ་གཅིག་ལ་སྐྱེ་བ་གསུམ།>>ཞེས་པའི་མ་རྩོམ་རྒྱ་ཡིག་ནང་ཡོད་པ་དེ་ཐའེ་ཝན་གངས་ལྗོངས་དཔེ་སྐྲུན་ཁང་ནས་པར་བསྐྲུན་གནང་བ་ཕྱི་ལོ་ ༢༠༢༡ ཟླ་ ༤ ཚེས་ ༢༢ ཉིན་ཐའེ་ཝན་བོད་ཀྱི་དོན་གཅོག་ཁང་གི་གོ་སྒྲིག་འོག་༸སྐྱབས་མགོན་ཀིརྟི་རིན་པོ་ཆེ་མཆོག་དབུ་བཞུགས་ཐོག་དབུ་འབྱེད་མཛད་སྒོ་གནང་ཡོད་ལ། བོད་འགྱུར་ཞུས་ཟིན་པ་ཡང་མཐའ་མའི་ཞུས་དག་འགྲོ་བཞིན་ཡོད་པས། རིང་མིན་རྒྱ་ཆེའི་ཀློག་པ་པོ་རྣམས་ཀྱི་སྤྱན་སྔར་འགྲེམས་སྤེལ་ཞུ་འཆར་ལགས། དེ་བཞིན་ཉིན་དེར་ཐའེ་ཝན་བོད་ཀྱི་དོན་གཅོད་གསར་རྙིང་གི་ལས་འགན་རྩིས་སྤྲོད་རྩིས་ལེན་གནང་བའི་མཛད་སྒོ་བསྐྱངས་པའི་དབུ་བཞུགས་སུ་༸སྐྱབས་རྗེ་ཀིརྟི་རིན་པོ་ཆེ་མཆོག་ཕེབས་གནང་ཡོད།