ཨ་རིའི་ནང་གི་མཛད་འཕྲིན་ཁག་གསལ་བའི་སྐུ་པར་ཕྱོགས་བསྒྲིགས་བྱས་པ་གཤམ་གསལ་ལྟར་ལགས། གཉིས་པ།

 ༄༅།། བྱང་ཨ་རིའི་མདོ་སྨད་མི་མང་གིས་གོ་སྒྲིག་ཞུས་པའི་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག འཕགས་མཆོག་འཇིག་རྟེན་དབང་ཕྱུག་སྡོམ་བརྩོན་ངུར་སྨྲིག་འཛིན་པའི་རྣམ་རོལ་ཏུ་བྱོན་པ་༧རྒྱལ་དབང་ཐམས་ཅད་མཁྱེན་པ་མཆོག་དགུང་གྲངས་གྱ་བདུན་དུ་ཕེབས་པའི་སྐུའི་འཁྲུངས་སྐར་ཀྱི་མཛད་སྒོའི་སྐུ་མགྲོན་གཙོ་བོར་གུས་ཅག་གི་འདྲེན་པ་ཆེན་པོ་༧རོང་ཆེན་བསྟན་པའི་སྒྲོན་མེ་༧སྐྱབས་རྗེ་ཀིརྟི་རིན་པོ་ཆེ་མཆོག་གདན་འདྲེན་ཞུས་པ་ལྟར་ཕྱི་ཟླ་ ༦ ཚེས་ ༢༥ ཉིན་ནས་ཕེབས་གནང་མཛད་ཅིང་། མཛད་སྒོ་དེ་དང་སྟབས་གཅིག་ཏུ་བྱང་ཨ་རིའི་མདོ་སྨད་མི་མང་གིས་བཀའ་དྲིན་རྗེས་དྲན་གྱི་གསེར་གྱི་གཟེངས་རྟགས་ཤིག་ཀྱང་འབུལ་བཞེས་མཛད་པ་སོགས་ཀྱི་མཛད་འཕྲིན་ཁག་ཟུར་ཙམ་གསལ་བའི་སྐུ་པར་མཐོང་གྲོལ་རིན་པོ་ཆེ་གང་རྙེད་ཕྱོགས་གཅིག་ཏུ་བསྒྲིགས་ནས་གཤམ་དུ་དྲ་ཐག་རེ་རེ་དང་སྦྲེལ་ནས་བཀོད་ཡོད་པ་ལགས་ན་ཐུགས་སྣང་ཅན་ཚོས་དགྱེས་གཟིགས་ཡོང་བར་ཞུ།  

In DC and Virginia 6-7 July.

ཨ་རིའི་ནང་གི་མཛད་འཕྲིན་ཁག་གསལ་བའི་སྐུ་པར་ཕྱོགས་བསྒྲིགས་བྱས་པ་གཤམ་གསལ་ལྟར་ལགས། དང་པོ།

 ༄༅།། བྱང་ཨ་རིའི་མདོ་སྨད་མི་མང་གིས་གོ་སྒྲིག་ཞུས་པའི་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག འཕགས་མཆོག་འཇིག་རྟེན་དབང་ཕྱུག་སྡོམ་བརྩོན་ངུར་སྨྲིག་འཛིན་པའི་རྣམ་རོལ་ཏུ་བྱོན་པ་༧རྒྱལ་དབང་ཐམས་ཅད་མཁྱེན་པ་མཆོག་དགུང་གྲངས་གྱ་བདུན་དུ་ཕེབས་པའི་སྐུའི་འཁྲུངས་སྐར་ཀྱི་མཛད་སྒོའི་སྐུ་མགྲོན་གཙོ་བོར་གུས་ཅག་གི་འདྲེན་པ་ཆེན་པོ་༧རོང་ཆེན་བསྟན་པའི་སྒྲོན་མེ་༧སྐྱབས་རྗེ་ཀིརྟི་རིན་པོ་ཆེ་མཆོག་གདན་འདྲེན་ཞུས་པ་ལྟར་ཕྱི་ཟླ་ ༦ ཚེས་ ༢༥ ཉིན་ནས་ཕེབས་གནང་མཛད་ཅིང་། མཛད་སྒོ་དེ་དང་སྟབས་གཅིག་ཏུ་བྱང་ཨ་རིའི་མདོ་སྨད་མི་མང་གིས་བཀའ་དྲིན་རྗེས་དྲན་གྱི་གསེར་གྱི་གཟེངས་རྟགས་ཤིག་ཀྱང་འབུལ་བཞེས་མཛད་པ་སོགས་ཀྱི་མཛད་འཕྲིན་ཁག་ཟུར་ཙམ་གསལ་བའི་སྐུ་པར་མཐོང་གྲོལ་རིན་པོ་ཆེ་གང་རྙེད་ཕྱོགས་གཅིག་ཏུ་བསྒྲིགས་ནས་གཤམ་དུ་དྲ་ཐག་རེ་རེ་དང་སྦྲེལ་ནས་བཀོད་ཡོད་པ་ལགས་ན་ཐུགས་སྣང་ཅན་ཚོས་དགྱེས་གཟིགས་ཡོང་བར་ཞུ། 

ཨ་རིའི་རྒྱལ་ས་ཝ་ཤོན་ཀྲོང་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་སྲུང་བརྩི་ཞུས་སྐབས་ཀྱི་བརྙན་པར།

༸སྐྱབས་རྗེ་ཀིརྟི་རིན་པོ་ཆེ་མཆོག་གིས་ཇོ་ནང་རིས་མེད་དུས་འཁོར་བགྲོ་གླེང་ཆེན་མོའི་ཐོག་གནང་བའི་གསུང་བཤད།

༄༅།། ཀུན་མཁྱེན་དོལ་པོ་པ་ཤེས་རབ་རྒྱལ་མཚན་སྐུ་ཞི་བར་གཤེགས་ནས་ལོ་ངོ་ ༦༦༠ འཁོར་བའི་རྗེས་དྲན་མཛད་སྒོ་དང་། རིས་མེད་དུས་འཁོར་བགྲོ་གླེང་ཆེན་མོ་ལ་ཕེབས་པའི་མཁས་པ་རྣམ་པ་ལྷན་རྒྱས་ལ་ཐོག་དང་པོ་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།

                འདི་གའི་བགྲོ་གླེང་ཆེན་མོའི་ཉིན་གཉིས་པའི་བགྲོ་གླེང་ཚོགས་འདུའི་སྐུ་མགྲོན་ལ་ཡོང་རོགས་ཞེས་མགྲོན་ཤོག་འབྱོར་བྱུང་། མགྲོན་འབོད་ཀྱི་ཡི་གེ་འབྱོར་བའི་སྐབས་བགྲོ་གླེང་དང་འབྲེལ་བའི་གནད་དོན་ཐོག་ང་ལ་དམིགས་བསལ་ཕན་ཐོགས་ཡོད་པ་ཞུ་རྒྱུ་གང་ཡང་མེད། ཡིན་ནའང་རྣམ་པ་ཚོའི་བགྲོ་གླེང་ཡག་པོ་ཡོང་བ་དང་། དེང་སང་ཇོ་ནང་བའི་བསྟན་པ་ཉམས་དམའ་བོ་ཡོད་པའི་སྐབས་ལ་རྒྱབ་སྐྱོར་གྱི་ཚུལ་དུ་ང་ཡོང་གི་ཡིན་ཅེས་ཞུས་པ་ཡིན། རྣམ་པ་ཚོར་མཐུན་རྐྱེན་མང་པོ་ཞིག་འཛོམས་ཐུབ་ཀྱི་ཡོད་མེད་ཀྱི་སྐུ་ངལ་ལ་མ་ལྟོས་པར་བགྲོ་གླེང་ཆེན་མོ་འདི་འདྲ་ཞིག་གོ་སྒྲིག་གནང་ཐུབ་པ་དེ་ཤིན་ཏུ་ཡག་པོ་རེད། མ་འོངས་པར་ཡང་འདི་ལས་ལྷག་པའི་བགྲོ་གླེང་ཡག་པོ་དེ་འདྲ་གོ་སྒྲིག་གནང་ཐུབ་པའི་རེ་བ་ཞུ་ཡི་ཡོད།