༄༅།། དགེ་བའི་བཤེས་གཉེན་ཆེན་པོ་ལྷ་རམས་པ་ཏྲེ་ཧོར་ཟླ་བ་ཚེ་རིང་མཆོག་གིས་ཀིརྟིའི་བྱེས་པ་གྲྭ་ཚང་གི་སློབ་གཉེར་བ་སྤྱི་དང་དམིགས་བསལ་དོ་སྣང་ཅན་གྱི་དགེ་འདུན་པ་རྣམས་ལ་གྲྭ་ཚང་གི་ཚོམས་ཆེན་དུ་<<གཞུང་ཆེན་བཀའ་པོད་ལྔ་དང་ལྷག་པར་ཚད་མ་རྣམ་འགྲེལ་གྱི་གཞུང་ཆེན་ལ་སློབ་གཉེར་གནང་དགོས་པའི་གལ་ཆེའི་རང་བཞིན།>>ཞེས་པའི་བརྗོད་གཞིའི་ཐོག་བགྲོ་གླེང་གསུང་བཤད་གནང་བ།

དགེ་བའི་བཤེས་གཉེན་ཆེན་པོ་ལྷ་རམས་པ་ཏྲེ་ཧོར་ཟླ་བ་ཚེ་རིང་མཆོག་ནི། ཕྱི་ལོ་ ༡༩༧༣ ལོར་ཁམས་དཀར་མཛེས་ཀྱི་གྲོང་གསེབ་ཆུང་ཆུང་ཞིག་ཏུ་སྐུ་འཁྲུངས་ཤིང་། སྐུ་ན་ཕྲ་མོའི་དུས་ནས་རབ་ཏུ་བྱུང་། དགུང་ལོ་ ༡༥ ཕྱི་ལོ་ ༡༩༨༨ ལོར་རྒྱ་གར་འཕགས་ཡུལ་དུ་ཕེབས་ནས་ལྷོ་ཕྱོགས་ཀྱི་གདན་ས་ཆེན་པོ་དཔལ་ལྡན་འབྲས་སྤུངས་བློ་གསལ་གླིང་གྲྭ་ཚང་དུ་སྒྲིག་ཞུགས་ཀྱིས་དགེ་བའི་བཤེས་གཉེན་ཆེན་པོ་དགེ་བཤེས་དཔལ་ལྡན་གྲགས་པ་སོགས་མཚན་ལྡན་གྱི་བླ་མ་དུ་མའི་ཞབས་ལ་གཏུགས་ནས་གཞུང་ཆེན་དཀའ་པོད་ལྔ་ལ་གསན་བསམ་སློབ་གཉེར་མཐར་ཕྱིན་པ་གནང་སྟེ། དགེ་བཤེས་ལྷ་རམས་པ་ཨང་དང་པོའི་མཚན་གནས་བཞེས་པ་དང་། དཔལ་ལྡན་རྒྱུད་སྨད་གྲྭ་ཚང་དུ་ཕེབས་ནས་སྔགས་ཕྱོགས་རྒྱུད་སྡེ་བཞི་ལ་གསན་བཞེས་གནང་སྟེ་སྔགས་རམས་པ་ཨང་གཉིས་པའི་མཚན་གནས་བཞེས། ལོ་ངོ་བཅུ་ཕྲག་གི་སྔ་རོལ་ནས་གསན་བསམ་གནང་བཞིན་དུ་ཞོར་དུ་གཞུང་ཆེན་ཁག་གི་དཔེ་ཁྲིད་གནང་སྟེ་སློབ་མ་མང་པོ་བསྐྱངས་གནང་ཞིང་། ལྷག་པར་དུ་གསན་བསམ་གྱི་འཛིན་གྲྭའི་རིམ་པ་མཐར་ཕྱིན་རྗེས་སློབ་མ་བརྒྱ་ཕྲག་བརྒལ་པར་རྒྱུན་དུ་དཔེ་ཁྲིད་ཆག་མེད་གནང་བ་དང་ཆབས་ཅིག ཁོང་གིས་ད་བར་དངོས་སུ་བཀའ་རྩོམ་མཛད་ཟིན་པ་པོད་བཅུ་ལྷག་བཞུགས་ཤིང་བོད་ཕྱི་ནང་གཉིས་སུ་པར་བསྐྲུན་རྒྱ་ཆེར་བྱས་པས་གཞུང་ཆེན་སློབ་གཉེར་བ་རྣམས་ལ་ཕན་ཐོགས་བླ་ན་མེད་པ་བྱུང་ཡོད། དེ་བཞིན་ཁོང་གི་གསུང་བཤད་སློབ་མ་ཚོས་སྒྲ་ཕབ་དང་ཟིན་བྲིས་སོགས་དེབ་ཏུ་འཁོད་པའང་རེ་ཟུང་བཞུགས།།

བགྲོ་གླེང་གསུང་བཤད་ཆ་ཚང་ལ་གཤམ་གྱི་དྲ་ཐག་བརྒྱུད་གསན་ཐུབ།