༄༅།།ཕྱི་ལོ་ ༢༠༢༣ ཟླ་ ༤ ཚེས་ ༡ ཉིན་སློབ་འགོ་བཟུང་སྟེ་ཕྱི་ལོ་ ༢༠༢༤ ཟླ་ ༡༢ ཚེས་ ༡༧ བར་ཟླ་གསུམ་གསུམ་གྱི་རྒྱུགས་སྤྲོད་ཁག་ལེགས་པར་གྲུབ་ནས་ཕྱི་ལོ་ ༢༠༢༤ ཟླ་ ༡ ཚེས་ ༡༨ ནས་དབུ་མ་ལོ་རིམ་གསུམ་པའི་འཛིན་གྲྭ་དང་། ཕར་ཕྱིན་ལོ་རིམ་ལྔ་པའི་འཛིན་གྲྭ། དེ་བཞིན་ཚད་མའི་དམིགས་བསལ་འཛིན་བཅས་འཛིན་གྲྭ་གསུམ་ནས་ཚད་མའི་དགུན་ཆོས་ལ་མཉམ་བཞུགས་གནང་སྟེ་ཟླ་བ་གཅིག་ལྷག་གི་རིང་སྐབས་བབ་རྣམ་འགྲེལ་གྱི་གཞུང་ཚན་ཁག་ལ་ཁྲིད་རྩོད་ཟུང་འབྲེལ་གྱིས་འཚོགས། འདུལ་བ་ལོ་རིམ་གཉིས་པའི་འཛིན་གྲྭ་ནས་དུས་ཡུན་དེའི་རིང་ལོ་འཁོར་རྒྱུགས་སྤྲོད་ཀྱི་རང་སྦྱོང་ཆེན་མོ་གནང་།
ཕྱི་ཟླ་ ༡ ཚེས་ ༢༠ ཉིན་རྡ་སར་བཞུགས་པའི་དཔེ་ཁྲིད་དགེ་རྒན་རྣམས་དང་སློབ་གཉེར་པ་ཡོངས་རྫོགས་མཉམ་འཛོམས་ཐོག་སྔ་དྲོ་ཆོས་
མཚམས་སྨོན་ལམ་ཚོགས་པ་དང་། ཕྱི་ཚེས་ ༢༢ ཉིན་ནས་བཀའ་རམས་གསར་པའི་དགེ་བཤེས་རྒྱུགས་སྤྲོད་དང་ལོ་འཁོར་རྒྱུགས་སྤྲོད། དེ་བཞིན་ཚད་མའི་རྒྱུགས་སྤྲོད་བཅས་རིམ་བཞིན་འགོ་འཛུགས་གནང་སྟེ། ཕྱི་ཚེས་ ༣༡ ཉིན་ལེགས་པར་གྲུབ། ཕྱི་ཟླ་ ༢ ཚེས་ ༡ ནས་ཆོས་མཚམས་ཆེན་མོ་ཡིན་པ་བཅས་སོ།།