སྤེལ་དུས: 08 ཟླ་བརྒྱད་པ། 2021

ཀློག་གྲངས་: 2943

༄༅།། ལོ་རེའི་ཕྱི་ཟླ་༨ཚེས་༨ནི་༸རོང་ཆེན་བསྟན་པའི་སྒྲོན་མེ་༸སྐྱབས་རྗེ་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག་གི་སྐུའི་འཁྲུངས་ཚེས་ཡིན་ཞིང་། ཉིན་དེར་དམིགས་བསལ་གྱི་མཛད་སྒོ་གང་ཡང་མེད་ནའང་། བོད་གཞིས་བྱེས་གཉིས་ཀྱི་འབྲེལ་ཡོད་དགོན་པ་སོ་སོའི་གཞུང་དང་། གྲྭ་ཚང་། འཛིན་གྲྭ། སློབ་གྲྭགྲོང་སྡེ།ཤོག་ཀསྐྱིད་སྡུག་ཚོགས་པ་ཆེ་ཆུང་སྣ་ཚོགས། གྲོགས་པོའི་ཚོགས་པ།གླུ་གར་ཚོགས་པ། མི་ཚང་དང་། མི་སྒེར་པ་སོགས་སྤྱི་སྒེར་སེར་སྐྱ་ཕོ་མོ་རྒན་གཞོན་ཧ་ཅང་མང་པོས།མ་སྐུལ་དང་བླངས། མ་གྲོས་བསམ་པ་གཅིག་མཐུན་གྱིས་སྐུའི་འཁྲུངས་ཚེས་དང་འབྲེལ་ནས་ཁ་ཡོད་ལག་ཡོད་ཀྱི་རྣམ་དཀར་དགེ་བའི་ལས་གང་ཐུབ་རེ་སྤེལ་རྒྱུ་ལོ་ཤས་གོང་ནས་སྲོལ་ལྟར་གྱུར་ཡོད་ཀྱང་།

སྤེལ་དུས: 25 ཟླ་དྲུག་པ། 2018

ཀློག་གྲངས་: 14306

༄༅།། ཕྱི་ལོ་༢༠༡༨ ཟླ་༦ པའི་ཚེས་༢༡ རེས་གཟའ་ཕུར་བུ། གཟའ་སྐར་འཕྲོད་སྦྱོར་མཆོག་ཏུ་དགེ་བའི་ཉིན་མོར་བཞུགས་སྒར་ཀིརྟིའི་བྱེས་པ་གྲྭ་ཚང་གི་ཚོམས་ཆེན་དུ་༸རོང་ཆེན་བསྟན་པའི་སྒྲོན་མེ་༸སྐྱབས་རྗེ་བཀའ་ཟུར་ཀིརྟི་རིན་པོ་ཆེ་མཆོག་ལ། རབ་འབྱམས་རྒྱལ་བ་ཀུན་ཀྱི་བརྩེ་ཆེན་འཕྲིན་ལས་ཀྱི་རང་གཟུགས། ཚེ་ཡི་ལྷ་མཆོག་འཕགས་མ་ཡིད་བཞིན་འཁོར་ལོའི་ཆོ་ག་དང་འབྲེལ་བའི་སྒོ་ནས་འབྲེལ་ཡོད་གཞིས་བྱེས་གཉིས་ཀའི་ངོ་བོ་མཚོན་པའི་ཐོག་ནས་བརྟན་བཞུགས་ཟབ་རྒྱས་ཤིག་འབུལ་ལམ་ཞུས།

སྤེལ་དུས: 28 ཟླ་དང་པོ། 2021

ཀློག་གྲངས་: 2780

༄༅།། གུས་ཅག་གི་འདྲེན་པ་ཆེན་པོ་༸སྐྱབས་རྗེ་ཀིརྟི་རིན་པོ་ཆེ་མཆོག་ཕྱི་ལོ་ ༢༠༢༠ ལོའི་ལོ་འགོ་ཐའེ་ཝན་དུ་སྐུ་གཟུགས་བརྟག་དཔྱད་ཆེད་ཕེབས་ནས་ཅང་མ་འགོར་བར་འཛམ་གླིང་ཧྲིལ་པོ་རྒྱ་ནག་ནས་བྱུང་བའི་ཏོག་གསར་རིམས་ནད་ཀྱི་དཀའ་ངལ་འོག་ལྷུང་སྟེ་ཁྱིམ་སྡོད་བཀའ་རྒྱ་རིམ་པར་བཏང་དགོས་བྱུང་བའི་གནས་སྟངས་འོག་ལོ་ཧྲིལ་པོ་ཐའེ་ཝན་དུ་བཞུགས་དགོས་བྱུང་ཞིང་། དེར་མཛད་འཕྲིན་ཁག་ཅིག་བསྐྱངས་འདུག་པ་ཕྱོགས་བསྡུས་ཀྱིས་དྲན་ཐོ་ཙམ་བཀོད་ན།

སྤེལ་དུས: 12 ཟླ་དྲུག་པ། 2020

ཀློག་གྲངས་: 8716

༄༅།། གུས་ཅག་གི་འདྲེན་པ་ཆེན་པོ་༸སྐྱབས་རྗེ་ཀིརྟི་རིན་པོ་ཆེ་མཆོག་ཐེམ་སྤངས་བཀའ་རྒྱ་མ་བསྡམས་སྔོན་ལ་ཐའེ་ཝན་དུ་སྐུ་གཟུགས་བརྟག་དཔྱད་གནང་ཆེད་ཕེབས་ཡོད་ཅིང་། བརྟག་དཔྱད་གནང་མ་གྲུབ་པའི་བར་སྐབས་དེར་ཐེམ་སྤངས་བཀའ་རྒྱ་བསྡམས་ནས་འཛམ་གླིང་ཧྲིལ་པོའི་འགྲུལ་བཞུད་བཀག་པ་ལྟར་དེང་སྐབས་ཀྱང་ཐའེ་ཝན་དུ་བཞུགས་མུས་ཡིན་ལ། ཐའེ་ཝན་ནི་ཏོག་གསར་རིམས་ནད་སྔོན་འགོག་ཤིན་ཏུ་ལེགས་པའི་གནས་ཤིན་ཡིན་པས་གུས་ཅག་གི་སེམས་ལ་ཧ་ཅང་དགའ་སྤྲོས་ཁེངས་ཡོད་མོད། ཁོང་རིན་པོ་ཆེས་ནི་དེ་ལས་ལྡོག་སྟེ་ཐུགས་འགྱོད་གནང་བཞིན་པའི་ཚུལ་ལ་གསུང་དོན། "བློ་འགྱོད་སྐྱེ་གཞི་ཞིག་ནི། སྐྱིད་སྡུག་ལེགས་ཉེས་གང་བྱུང་ཡང་རུང་༸སྤྱི་ནོར་༸གོང་ས་༸སྐྱབས་མགོན་ཆེན་པོའི་༸ཞབས་རྗེས་སུ་འབྲངས་ནས་མི་ཚེ་སྐྱེལ་མཁན་ཞིག་ཡིན་པས་ཛ་དྲག་འདི་ལྟ་བུའི་སྐབས་མ་མཐར་ཡང་༸རྒྱལ་བའི་ཕོ་བྲང་གི་ཉེ་འཁྲིས་སུ་སྡོད་ཐུབ་པ་ཞིག་བྱུང་ན་བློ་བདེ་བ་ཞིག་ཡོང་རྒྱུ་ཡིན་ནའང་། ད་ལན་བཞུགས་སྒར་དུ་སྡོད་མ་ཐུབ་པ་ནི་སྐལ་བ་དམན་པ་ཞིག་ཏུ་གྱུར་སོང་སྙམ་ནས་བློ་འགྱོད་སྐྱེས་ཀྱང་འགྲོ་འདུག་གི་དབང་གཞན་ལག་ཏུ་ཤོར་བས་ཐབས་ཤེས་མ་རྙེད། དེ་བཞིན་དུ་དུས་ངན་འདིའི་སྐབས་ང་ལ་ལུས་དང་གྲིབ་མ་བཞིན་འགྲོགས་པའི་བྱེས་པ་གྲྭ་ཚང་གི་བླ་གྲྭ་རྒན་གཞོན་ཐམས་ཅད་དང་ཁ་བྲལ་ནས་མི་ཡུལ་ས་མཐའི་ནང་ནས་ས་མཐའི་གླིང་ཕྲན་ཆུང་ངུ་ཞིག་ཏུ་སྡོད་དགོས་བྱུང་བས་བློ་མ་བདེ་ཞིག་ཏུ་གྱུར་ནའང་བྱ་ཐབས་བྲལ།"ཅེས་གསུངས་པས་ལྷག་ཏུ་དད་གུས་ཆེས་ཆེར་འཕེལ་བར་གྱུར།

སྤེལ་དུས: 10 ཟླ་བརྒྱད་པ། 2022

ཀློག་གྲངས་: 2990

༄༅།། བོད་རྒྱལ་ལོ་ ༢༡༤༩།   ཕྱི་ལོ་ ༢༠༢༢ ཟླ་ ༨ ཚེས་ ༨ ཉིན། རོང་ཆེན་བསྟན་པའི་སྒྲོན་མེ་༸སྐྱབས་མགོན་ཀིརྟི་སྐུ་ཕྲེང་བཅུ་གཅིག་པ་རྗེ་བཙུན་བློ་བཟང་བསྟན་འཛིན་འཇིགས་མེད་ཡེ་ཤེས་རྒྱ་མཚོ་དཔལ་བཟང་པོ་མཆོག་ལ་བརྟན་བཞུགས་རྒྱས་པ་འབུལ་དགོས་པའི་བླ་ལྷའི་བཀའ་ལུང་ཡང་ཡང་ཕེབས་དོན་བཞིན། འདི་ལོ་བོད་ལུགས་ལྟར་ན་དགུང་གྲངས་བརྒྱད་ཅུ་གྱ་གཅིག་ཏུ་ཕེབས་པ་དང་། ཕྱི་ལུགས་ལྟར་ན་དགུང་གྲངས་བརྒྱད་ཅུ་ཐམ་པ་སྟེ་ཀིརྟི་སྐུ་ཕྲེང་གསུམ་པ་བསྟན་པ་རབ་རྒྱས་ཀྱི་དགུང་ཀེག་གཉིས་དུས་གཅིག་ཏུ་ཁེལ་བའི་དགུང་ཀེག་བཟློག་ཆེད་ཉིན་བདུན་རིང་སྒྲོལ་དཀར་ཡིད་བཞིན་འཁོར་ལོའི་སྒོ་ནས་ཚེ་སྒྲུབ་གནད་སྨིན་སྔོན་སོང་དང་འབྲེལ། ཀིརྟི་ཚང་གི་སློབ་བརྒྱུད་གཞིས་བྱེས་གཉིས་ཀྱི་ངོ་བོ་མཚོན་པའི་སྒོ་ནས་བརྟན་བཞུགས་བསྟར་འབུལ་ཞུས།

སྤེལ་དུས: 19 ཟླ་བརྒྱད་པ། 2016

ཀློག་གྲངས་: 15077

ལོ་རེའི་ཕྱི་ཟླ་༨ ཚེས་༨ ནི་༸རོང་ཆེན་བསྟན་པའི་སྒྲོན་མེ་༸སྐྱབས་མགོན་ཀིརྟི་རིན་པོ་ཆེ་སྐུ་ཕྲེང་བཅུ་གཅིག་པ་མཆོག་གི་སྐུའི་འཁྲུངས་ཚེས་ཡིན་ཞིང་། ཉིན་དེར་དམིགས་བསལ་གྱི་མཛད་སྒོ་དེ་འདྲ་གང་ཡང་མེད་ནའང་། བོད་གཞིས་བྱེས་གཉིས་ཀྱི་འབྲེལ་ཡོད་དགོན་པ་སོ་སོའི་གཞུང་དང་། གྲྭ་ཚང་། འཛིན་གྲྭ། སློབ་གྲྭ། གྲོང་སྡེ། ཤོག་ཀ སྐྱིད་སྡུག་ཚོགས་པ་ཆེ་ཆུང་སྣ་ཚོགས། གྲོགས་པོའི་ཚོགས་པ། གླུ་གར་ཚོགས་པ། མི་ཚང་དང་། མི་སྒེར་པ་སོགས་སྤྱི་སྒེར་སེར་སྐྱ་ཕོ་མོ་རྒན་གཞོན་ཧ་ཅང་མང་པོས། མ་སྐུལ་དང་བླངས། མ་བགྲོས་བསམ་པ་གཅིག་མཐུན་གྱིས་སྐུའི་འཁྲུངས་ཚེས་དང་འབྲེལ་ནས་ཁ་ཡོད་ལག་ཡོད་ཀྱི་རྣམ་དཀར་དགེ་བའི་ལས་གང་ཐུབ་རེ་སྤེལ་རྒྱུ་ལོ་ཤས་གོང་ནས་སྲོལ་ལྟར་གྱུར་ཡོད་པས་ད་ལོ་ཡང་མགོན་པོ་གང་གི་སྐུ་ཚེ་ཧྲིལ་པོའི་ཐུགས་དམ་གྱི་མཐིལ་དུ་མཛད་པའི་༸གོང་ས་༸སྐྱབས་མགོན་ཐམས་ཅད་མཁྱེན་པའི་ཐུགས་དགོངས་དང་མཐུན་

སྤེལ་དུས: 24 ཟླ་བཅུ་བ། 2016

ཀློག་གྲངས་: 13861

༄༅།། ཕྱི་ལོ་༢༠༡༦ ལོའི་༡༠ཚེས་༢ཉིན་གྱི་བོད་ནང་གི་ཕྱི་དྲོའི་ཆུ་ཚོད་༥པའི་ཐོག་བོད་མདོ་སྨད་རྔ་པ་ཀིརྟིའི་དགོན་དུ་’’ཀིརྟི་ཚང་གི་གདན་ས་གོང་འོག་གིས་གཙོས་ཆོས་བརྒྱུད་གྲུབ་མཐའ་རིས་མེད་ཀྱི་ཚད་མའི་དགུན་ཆོས་ཆེན་མོ་’’ཐེངས་བཅུ་བ་དབུ་འཛུགས་ཀྱིས་ཟླ་འདིའི་ཚེས་༢༣བར་ཉིན་ཉི་ཤུའི་རིང་ཚོགས་འདུག་པ་ཡོངས་སུ་

སྤེལ་དུས: 19 ཟླ་བརྒྱད་པ། 2016

ཀློག་གྲངས་: 14982

ཕྱི་ལོ་༢༠༡༦ཟླ་༨ཚེས་༡༡ནས་༸སྐྱབས་མགོན་ཀིརྟི་སྐུ་ཕྲེང་བརྒྱད་པ་བློ་བཟང་འཕྲིན་ལས་ཚང་ནས་ཀིརྟི་ཚང་གི་སྒོས་ཀྱི་བཀའ་སྲུང་དུ་གྱུར་པ་བསྟན་སྲུང་ནོར་བདག་ཀརྨ་བཛྲ་གྱི་གཏེར་སྒྲུབ་ཡི་དམ་རྟ་མགྲིན་ཡང་གསང་གི་སྒོ་ནས་བླ་གྲྭ་བཅུ་གཅིག་གིས་ཉིན་བདུན་རིང་ཚོགས་པ་དང་། ཕྱི་ཚེས་༡༨། བོད་ཟླ་དྲུག་པའི་ཚེས་བཅོ་ལྔའི་ཉིན་ཏེ་ཀིརྟི་ཚང་གི་སྒོས་ཀྱི་བཀའ་སྲུང་དུ་བསྐོས་པའི་ཉིན་